കൂരാലി: എലിക്കുളം പഞ്ചായത്തിലെ വയോജന കൂട്ടായ്മയായ നിറവ് @ 60പ്ലസിന്റെ ആഭിമുഖ്യത്തിൽ 'ഇന്നത്തെ നടത്തം നാളത്തെ ആരോഗ്യത്തിന്"എന്ന മുദ്രാവാക്യമുയർത്തി പ്രഭാത നടത്തം ആരംഭിച്ചു. കൂരാലിയിൽ നിന്നും നാലാംമൈലിലുള്ള ഹാപ്പിനെസ്സ് പാർക്കിലേക്കായിരുന്നു ആദ്യ കൂട്ട നടത്തം. ഔദ്യോഗിക ഫ്ളാഗ് ഓഫ് കാഞ്ഞിരപ്പള്ളി താലൂക്ക് ആശുപത്രി മുൻ സൂപ്രണ്ട് ഡോ.ടി.എം.ഗോപിനാഥ പിള്ള നിർവ്വഹിച്ചു.ഹാപ്പിനെസ്സ് പാർക്കിൽ നടന്ന യോഗത്തിൽ നിറവ് @ 60പ്ലസിന്റെ പഞ്ചായത്ത് പ്രസിഡന്റ് കെ.എൻ.രാധാകൃഷ്ണ പിള്ള അദ്ധ്യക്ഷത വഹിച്ചു ഡോ. ഗോപിനാഥ പിള്ള ഉദ്ഘാടനം ചെയ്തു.

പാമ്പാടി ബ്ലോക്ക് പഞ്ചായത്ത് വൈസ് പ്രസിഡന്റ് പ്രൊഫ.എം.കെ.രാധാകൃഷ്ണൻ ,എലിക്കുളം ഗ്രാമപഞ്ചായത്ത് പ്രസിഡന്റ് ജിമ്മിച്ചൻ ഈറ്റത്തോട്ട് , വൈസ് പ്രസിഡന്റ് സൂര്യാ മോൾ ,പഞ്ചായത്തംഗങ്ങളായ എസ്. ഷാജി, ഷേർളി അന്ത്യാ ങ്കളം,അഖിൽ അപ്പുക്കുട്ടൻ, മാത്യൂസ് പെരുമനങ്ങാട്ട്, കെ.എം ചാക്കോ , ജയിംസ് ജീരകത്ത് , നിർമ്മല ചന്ദ്രൻ ,യമുന പ്രസാദ് . നിറവ് സെക്രട്ടറി പി.വിജയൻ , വിൻസെന്റ് തോണിക്കല്ലിൽ , എം.എസ്.രാമകൃഷ്ണൻ , നാരായണൻ നായർ ഇളംതോട്ടത്തിൽ എന്നിവർ സംസാരിച്ചു. ഡോ .ടി.എം.ഗോപിനാഥ പിള്ളയേയും, യോഗാചാര്യനായ ശിവരാമ പണിക്കരേയും ആദരിച്ചു.