ന​വീ​ൻ​ ​ബാ​ബു​വി​ന്റെ​ ​മ​ര​ണ​ത്തി​ൽ​ ​സി.​ബി.​ഐ​ ​അ​ന്വേ​ഷ​ണം​ ​ആ​വ​ശ്യ​പ്പെ​ട്ട് ​കു​ടും​ബം​ ​രം​ഗ​ത്തെ​ത്തി​യ​തോ​ടെ​ ​വി​വാ​ദ​ങ്ങ​ൾ​ ​മു​റു​കു​ന്ന​ ​പ​ശ്ചാ​ത്ത​ല​ത്തി​ൽ​ ​അ​നു​കൂ​ലി​ച്ചും​ ​എ​തി​ർ​ത്തും​ ​ര​ണ്ടു​ ​പ​ക്ഷം

ദുരൂഹത നീക്കാൻ സി.ബി.ഐ വരട്ടെ

സി.പി ജോൺ

സി.എം.പി ജനറൽ സെക്രട്ടറി

​

എ.ഡി.എം നവീൻ ബാബുവിന്റെ കുടുംബത്തിനൊപ്പമാണെന്നും കുറ്റക്കാരെ സംരക്ഷിക്കില്ലെന്നും പറയുമ്പോഴും ഭരണകക്ഷിയുടെയും പാർട്ടിയുടെയും നിലപാട് സി.ബി.ഐ അന്വേഷണം വേണ്ട എന്നാണ്. ഇതിലൂടെ തന്നെ സർക്കാരിന്റെ ഇരട്ടത്താപ്പ് നയവും കുറ്റക്കാരെ സംരക്ഷിക്കാനുള്ള ഗൂഢനീക്കവും വ്യക്തമാണ്. നവീൻ ബാബുവിന്റെ മരണം നടന്ന ദിവസം മുതൽ ഓരോ സംഭവം എടുത്തു പരിശോധിച്ചാലും അടിമുടി ദുരൂഹത പ്രകടമാണ്.

നവീൻ ബാബുവിനെതിരെ ആരോപണമുന്നയിച്ച പരിയാരം മെഡിക്കൽ കോളേജിലെ ഉദ്യോഗസ്ഥൻ ടി.വി പ്രശാന്തന് എങ്ങനെ സർക്കാരിന്റെ ഇടപെടലില്ലാതെ പ്രെട്രോൾ പമ്പ് തുടങ്ങാൻ അനുമതി കിട്ടിയെന്നതും ചിന്തിക്കേണ്ടതാണ്. പൊതുവേദിയിലെത്തി നവീൻ ബാബുവിനെതിരെ പി.പി. ദിവ്യ രൂക്ഷമായ ആരോപണങ്ങൾ ഉന്നയിച്ചപ്പോൾ ജില്ലാ കളക്ടർ മൗനം പാലിക്കുകയാണുണ്ടായത്. പ്രതിയെ എത്രനാൾ വരെ സംരക്ഷിക്കാം എന്ന ഗവേഷണമാണ് സി.പി.എം ഇതുവരെ നടത്തിയത്. തുടക്കം മുതലേ ദിവ്യയ്ക്കെതിരെ യാതൊരു നടപടിയും പൊലീസിന്റെയോ പാർട്ടിയുടെയോ ഭാഗത്തു നിന്ന് ഉണ്ടായിരുന്നില്ല.

മൂന്ന് മണ്ഡലങ്ങളിലേക്കുള്ള ഉപതിരഞ്ഞെടുപ്പിന്റെ മൂർദ്ധന്യ ഘട്ടത്തിൽ മറ്റു മാർഗമില്ലാതെ ദിവ്യയെ തരം താഴ്ത്താനും അറസ്റ്റ് ചെയ്യാനും പാർട്ടി നേതൃത്വം നിർബന്ധിതമാവുകയാണ് ഉണ്ടായത്. പിന്നീട് ദിവ്യയ്ക്ക് ജാമ്യം അനുവദിച്ച് കോടതി വിധി വന്നയുടൻ,​ അവരെ ജയിലിലെത്തി ആദ്യം കണ്ടത് സി.പി.എം സംസ്ഥാന സെക്രട്ടറിയുടെ ഭാര്യയും മുൻ എം.എൽ.എ ജെയിംസ് മാത്യുവിന്റെ ഭാര്യയുമാണ്. ഇത് വ്യക്തമാക്കുന്നത് പാർട്ടി നടപടിയുണ്ടെങ്കിലും സംരക്ഷിക്കുമെന്നും പാർട്ടിക്കു ബുദ്ധിമുട്ടുള്ള കാര്യങ്ങൾ വെളിപ്പെടുത്തരുതെന്നുമാണ്.

നവീൻ ബാബുവിന്റെ മരണത്തിൽ ഇൻക്വസ്റ്റ് നടപടികൾ അതിവേഗമാണ് പൂർത്തിയാക്കിയതെന്നാണ് കുടുംബത്തിന്റെ ആരോപണം. പോസ്റ്റ്മോർട്ടം നടന്ന സമയത്തും ബന്ധുക്കൾ ആരുമുണ്ടായിരുന്നില്ല. അന്നേദിവസം വൈകിട്ടാണ് കുടുംബം സംഭവസ്ഥലത്ത് എത്തുന്നത്. കുടുംബത്തിന്റെ ഈ ആരോപണങ്ങളിലെല്ലാം വികാരപരമായ പ്രശ്നങ്ങൾ എന്നതിനപ്പുറം നിയമപരമായ പ്രശ്നങ്ങളുമുണ്ട്. മറുഭാഗത്തു നിൽക്കുന്ന നവീൻ ബാബുവിന്റെ കുടുംബവും പാരമ്പര്യമായി സി.പി.എമ്മിനോട് ആഭിമുഖ്യം പുലർത്തുന്നവരാണ്. സി.പി.എം നേതാക്കളും മന്ത്രിമാരുമടക്കം നവീൻ ബാബുവിന്റെ വീട്ടിലെത്തിയ നേതാക്കളോടെല്ലാം മാന്യമായിത്തന്നെ അവർ പെരുമാറി.

ഇപ്പോൾ കുടുംബം സി.ബി.ഐ അന്വേഷണ ആവശ്യവുമായി രംഗത്തെത്തുമ്പോൾ,​ പൊലീസിന്റെ ഇതുവരെയുള്ള അന്വേഷണം കുടുംബത്തിന് തൃപ്തികരമല്ല എന്ന കാര്യം കൂടി വ്യക്തമാവുകയാണ്. കൂടാതെ നവീൻ ബാബു ആത്മഹത്യ ചെയ്യാനുള്ള യാതൊരു വിധ പ്രശ്നങ്ങളും ഉണ്ടായിരുന്നില്ലെന്നതും,​ ഭാര്യ മഞ്ജുഷയുടെ സംശയവും കേസിൽ ദുരൂഹതയുണ്ടെന്ന ആരോപണം ബലപ്പെടുത്തുന്നതാണ്. കേസിൽ ദുരൂഹതയുണ്ടെങ്കിൽ അത് മറനീക്കി പുറത്തു വരികതന്നെ വേണം. സി.പി.എം എന്തിനാണ് സി.ബി.ഐ അന്വേഷണത്തെ പേടിക്കുന്നത്?​ഇരകളുടെ അടുത്ത ബന്ധുക്കൾ സി.ബി.ഐ അന്വേഷണം ആവശ്യപ്പെടുന്നുണ്ടെങ്കിൽ ഗവൺമെന്റ് എന്തിന് എതിർക്കണം?​ എ.ഡി.എമ്മിന്റെ മരണം ആത്മഹത്യയാണോ അല്ലയോ എന്ന കുടുംബത്തിന്റെ സംശയത്തിന് ഒപ്പം നിൽക്കുകയാണ് സർക്കാർ ചെയ്യേണ്ടത്‌.

പ​റ​യേ​ണ്ട​ത് ​പാ​ർ​ട്ടി​യ​ല്ല,​
കോ​ട​തി​യാ​ണ്

എം.​വി.​ ​ജ​യ​രാ​ജൻ
സി.​പി.​എം​ ​ക​ണ്ണൂ​ർ​ ​ജി​ല്ലാ​ ​സെ​ക്ര​ട്ട​റി

എ.​ഡി.​എം​ ​ന​വീ​ൻ​ ​ബാ​ബു​വി​ന്റെ​ ​മ​ര​ണ​വു​മാ​യി​ ​ബ​ന്ധ​പ്പെ​ട്ട് ​സി.​ബി.​ഐ​ ​അ​ന്വേ​ഷ​ണം​ ​വേ​ണ​മോ​ ​വേ​ണ്ട​യോ​ ​എ​ന്ന​ത് ​തീ​രു​മാ​നി​ക്കേ​ണ്ട​ത് ​കോ​ട​തി​യാ​ണ്.​ ​നി​ല​വി​ൽ​ ​കോ​ട​തി​യു​ടെ​ ​പ​രി​ഗ​ണ​ന​യി​ലാ​ണ് ​ഈ​ ​വി​ഷ​യം.​ ​അ​തി​ർ​ ​പാ​ർ​ട്ടി​ക്ക് ​പ്ര​ത്യേ​കി​ച്ച് ​റോ​ളൊ​ന്നു​മി​ല്ല.​ ​സി.​ബി.​ഐ​ ​അ​ന്വേ​ഷ​ണം​ ​വേ​ണ​മെ​ന്നും​ ​വേ​ണ്ടെ​ന്നു​മ​ല്ല​;​ ​കേ​സി​ൽ​ ​സ​മ​ഗ്ര​മാ​യ​ ​അ​ന്വേ​ഷ​ണം​ ​വേ​ണ​മെ​ന്നാ​ണ് ​പാ​ർ​ട്ടി​ ​ഈ​ ​അ​വ​സ​ര​ത്തി​ൽ​ ​പ​റ​യു​ന്ന​ത്.​ ​എ.​ഡി.​എ​മ്മി​ന്റെ​ ​മ​ര​ണ​വു​മാ​യി​ ​ബ​ന്ധ​പ്പെ​ട്ട് ​ആ​ദ്യം​ ​മു​ത​ൽ​ ​പാ​ർ​ട്ടി​യു​ടെ​ ​നി​ല​പാ​ട് ​അ​തു​ത​ന്നെ​യാ​ണ്.​ ​ഇ​ന്നും​ ​അ​തു​ ​ത​ന്നെ.

മാ​ദ്ധ്യ​മ​ങ്ങ​ൾ​ ​പ​ല​തും​ ​പ്ര​ച​രി​പ്പി​ക്കു​ന്ന​തി​ന് ​പാ​ർ​ട്ടി​ ​ഉ​ത്ത​ര​വാ​ദി​യ​ല്ല.​ ​അ​ന്വേ​ഷ​ണ​ങ്ങ​ളി​ൽ​ ​സി.​ബി.​ഐ​ ​അ​വ​സാ​ന​ ​വാ​ക്ക​ല്ലെ​ന്ന് ​പാ​ർ​ട്ടി​ ​സെ​ക്ര​ട്ട​റി​ ​വ്യ​ക്ത​മാ​ക്കി​യി​ട്ടു​ണ്ട്.​ ​സെ​ക്ര​ട്ട​റി​ ​സൂ​ചി​പ്പി​ച്ച​തു​ ​പോ​ലെ,​​​ ​സി.​ബി.​ഐ​ ​അ​ന്വേ​ഷ​ണ​ത്തി​ൽ​ ​സി.​പി.​എ​മ്മി​ന് ​വ്യ​ക്ത​മാ​യ​ ​കാ​ഴ്ച​പ്പാ​ടു​ണ്ട്.​ ​അ​ത് ​ഈ​ ​ഒ​രു​ ​കേ​സി​ന്റെ​ ​ഭാ​ഗ​മാ​യി​ ​പു​തു​താ​യി​ ​ഉ​ണ്ടാ​യി​ട്ടു​ള്ള​ത​ല്ല.​ ​നേ​ര​ത്തേ​ ​ത​ന്നെ​ ​പാ​ർ​ട്ടി​ ​ഇ​ക്കാ​ര്യ​ത്തി​ൽ​ ​നി​ല​പാ​ടു​ ​സ്വീ​ക​രി​ച്ച​തും​ ​പ​ര​സ്യ​മാ​യി​ ​പ്ര​ഖ്യാ​പി​ച്ച​തു​മാ​ണ്.​ ​എ.​ഡി.​എം​ ​ന​വീ​ൻ​ബാ​ബു​വി​നെ​ ​കൊ​ന്ന് ​കെ​ട്ടി​ത്തൂ​ക്കി​യ​താ​കാ​മെ​ന്ന​ ​സം​ശ​യം​ ​ഉ​ന്ന​യി​ച്ചാ​ണ​ല്ലോ​ ​ഇ​പ്പോ​ൾ​ ​ന​ട​ന്നു​കൊ​ണ്ടി​രി​ക്കു​ന്ന​ ​അ​ന്വേ​ഷ​ണം​ ​തൃ​പ്തി​ക​ര​മ​ല്ലെ​ന്നും​ ​കേ​സ് ​സി.​ബി.​ഐ​യ്ക്ക് ​കൈ​മാ​റ​ണ​മെ​ന്നും​ ​ആ​വ​ശ്യം​ ​ഉ​ന്ന​യി​ക്ക​പ്പെ​ടു​ന്ന​ത്.

ദി​വ്യ​യ്‌​ക്കെ​തി​രാ​യ​ ​ആ​ത്മ​ഹ​ത്യാ​ ​പ്രേ​ര​ണാ​ ​കേ​സി​ന് ​പ്ര​സ​ക്തി​യി​ല്ലാ​താ​യെ​ന്ന് ​അ​തി​ൽ​ ​നി​ന്നു​ ​ത​ന്നെ​ ​വ്യ​ക്ത​മാ​യി​ല്ലേ​?​​​ ​മാ​ത്ര​മ​ല്ല,​​​ ​കേ​സി​ൽ​ ​നി​ല​വി​ലെ​ ​ഏ​ക​ ​പ്ര​തി​യാ​യ​ ​ദി​വ്യ​ ​കൊ​ന്നു​ ​കെ​ട്ടി​ത്തൂ​ക്കി​യ​താ​ണെ​ന്ന് ​എ​വി​ടെ​യും​ ​പ​റ​യു​ന്നു​മി​ല്ല.​ ​ഇ​തൊ​ക്കെ​ക്കൊ​ണ്ടു​ ​ത​ന്നെ​യാ​ണ് ​സ​മ​ഗ്ര​മാ​യ​ ​അ​ന്വേ​ഷ​ണം​ ​പാ​ർ​ട്ടി​ ​ആ​ദ്യ​മേ​ ​ആ​വ​ശ്യ​പ്പെ​ടു​ന്ന​ത്.​ ​എ.​ഡി.​എം​ ​കൈ​ക്കൂ​ലി​ ​വാ​ങ്ങി​യെ​ന്ന് ​ഒ​രു​ ​കൂ​ട്ട​രും,​​​ ​അ​ത്ത​ര​ക്കാ​ര​ന​ല്ലെ​ന്ന് ​മ​റ്റൊ​രു​ ​കൂ​ട്ട​രും​ ​പ​റ​യു​ന്നു​ണ്ട്.​ ​ഇ​തി​ന്റെ​ ​നി​ജ​സ്ഥി​തി​ ​ജ​ന​ങ്ങ​ൾ​ക്ക് ​അ​റി​യേ​ണ്ട​തു​ണ്ട്.​ ​സ​മ​ഗ്ര​മാ​യ​ ​അ​ന്വേ​ഷ​ണ​ത്തി​ൽ​ ​ഈ​ ​വി​വ​രം​ ​പു​റ​ത്തു​ ​വ​രി​ക​ത​ന്നെ​ ​ചെ​യ്യു​മെ​ന്നാ​ണ് ​വി​ശ്വ​സി​ക്കു​ന്ന​ത്.

പി.​പി.​ ​ദി​വ്യ​യു​ടെ​ ​പ്ര​സം​ഗം​ ​എ.​ഡി.​എ​മ്മി​ന്റെ​ ​മ​ര​ണ​ത്തി​ന് ​ഇ​ട​യാ​ക്കി​യി​ട്ടു​ണ്ടോ​ ​എ​ന്ന​തും​ ​പൊ​തു​സ​മൂ​ഹ​ത്തി​ന് ​അ​റി​യേ​ണ്ട​തു​ണ്ട്.​ ​എ.​ഡി.​എം​ ​അ​ന​ധി​കൃ​ത​മാ​യി​ ​സാ​മ്പ​ത്തി​ക​ ​നേ​ട്ടം​ ​ഉ​ണ്ടാ​ക്കി​യി​ട്ടി​ല്ലെ​ങ്കി​ൽ​ ​ദി​വ്യ​യു​ടെ​ ​ആ​രോ​പ​ണം​ ​എ​തി​ർ​ക്ക​പ്പെ​ണ്ടേ​താ​ണെ​ന്നു​ ​ത​ന്നെ​യാ​ണ് ​പാ​ർ​ട്ടി​യു​ടെ​ ​നി​ല​പാ​ട്.​ ​അ​തി​ന്റെ​ ​പേ​രി​ലാ​ണ് ​അ​ന്വേ​ഷ​ണം​ ​പൂ​ർ​ത്തി​യാ​കും​ ​മു​മ്പു​ത​ന്നെ​ ​എ.​ഡി.​എ​മ്മി​ന്റെ​ ​കു​ടും​ബ​ത്തി​നൊ​പ്പം​ ​എ​ന്ന​ ​നി​ല​പാ​ടി​ന്റെ​ ​കൂ​ടി​ ​ഭാ​ഗ​മാ​യി​ ​ന​ട​പ​ടി​ക​ളു​ണ്ടാ​യ​ത്.​ ​പാ​‌​ർ​ട്ടി​ ​എ.​ഡി.​എ​മ്മി​ന്റെ​ ​കു​ടും​ബ​ത്തി​നൊ​പ്പ​മാ​ണെ​ന്ന് ​നേ​ര​ത്തേ​ ​ത​ന്നെ​ ​അ​ർ​ത്ഥ​ശ​ങ്ക​യ്ക്കി​ട​യി​ല്ലാ​തെ​ ​വ്യ​ക്ത​മാ​ക്കി​യ​താ​ണ്.​ ​അ​തു​കൊ​ണ്ടാ​ണ് ​എ.​ഡി.​എ​മ്മി​ന്റെ​ ​മൃ​ത​ദേ​ഹ​ത്തോ​ടൊ​പ്പം​ ​ജി​ല്ലാ​ ​സെ​ക്ര​ട്ട​റി​യാ​യ​ ​ഞാ​ൻ​ ​ഉ​ൾ​പ്പ​ടെ​യു​ള്ള​വ​ർ​ ​അ​നു​ഗ​മി​ച്ച​ത്.​ ​സ​ർ​ക്കാ​രും​ ​ഈ​ ​വി​ഷ​യ​ത്തി​ൽ​ ​ആ​ ​നി​ല​പാ​ടാ​ണ് ​സ്വീ​ക​രി​ച്ച​ത്.

എ.​ഡി.​എ​മ്മി​ന്റെ​ ​കു​ടും​ബ​ത്തെ,​​​ ​മ​ര​ണം​ ​സം​ഭ​വി​ച്ച​ ​കു​ടും​ബ​മെ​ന്ന​ ​നി​ല​യി​ൽ​ ​അ​വ​ർ​ക്കൊ​പ്പം​ ​നി​ന്ന് ​ഐ​ക്യ​ദാ​ർ​ഢ്യം​ ​അ​റി​യി​ച്ച് ​പാ​ർ​ട്ടി​ ​സ്വീ​ക​രി​ക്കേ​ണ്ട​ ​സം​ഘ​ട​നാ​പ​ര​മാ​യ​ ​ന​ട​പ​ടി​യാ​ണ് ​പി.​പി.​ ​ദി​വ്യ​യ്ക്കെ​തി​രെ​ ​കൈ​ക്കൊ​ണ്ട​ത്.
എ.​ഡി.​എ​മ്മി​ന്റെ​ ​മ​ര​ണം​ ​അ​പ്ര​തീ​ക്ഷി​ത​വും​ ​ദൗ​ർ​ഭാ​ഗ്യ​ക​ര​വു​മാ​ണ്.​ ​ജി​ല്ലാ​ ​പ​ഞ്ചാ​യ​ത്ത് ​പ്ര​സി​ഡ​ന്റ് ​ആ​യി​രു​ന്ന​ ​ദി​വ്യ​ ​യാ​ത്ര​അ​യ​പ്പു​ ​യോ​ഗ​ത്തി​ൽ​ ​ന​ട​ത്തി​യ​ ​പ​രാ​മ​ർ​ശ​ങ്ങ​ൾ​ ​ഒ​ഴി​വാ​ക്കേ​ണ്ട​താ​യി​രു​ന്നു​ ​എ​ന്ന് ​പാ​ർ​ട്ടി​ ​വ്യ​ക്ത​മാ​യി​ ​പ​റ​ഞ്ഞി​ട്ടു​ണ്ട്.​ ​എ​ങ്കി​ലും​ ​അ​ഴി​മ​തി​ ​സം​ബ​ന്ധി​ച്ചു​യ​ർ​ന്ന​ ​എ​ല്ലാ​ ​പ​രാ​തി​ക​ളും​ ​സ​ർ​ക്കാ​ർ​ ​അ​ന്വേ​ഷി​ക്കേ​ണ്ട​തും​ ​വ്യ​ക്ത​ത​ ​വ​രു​ത്തേ​ണ്ട​തു​മാ​ണ്.