പ്രായഭേദമില്ലാതെ ഇപ്പോൾ എല്ലാവരെയും അലട്ടുന്ന പ്രശ്‌നമാണ് നര. ഇത് പരിഹരിക്കാൻ പല തരത്തിലുള്ള നാച്വറൽ വഴികളും മാർക്കറ്റിൽ ലഭിക്കുന്ന ഡൈകളും ഉപയോഗിക്കുന്നുണ്ടാവും നിങ്ങൾ. ഇതെല്ലാം പരീക്ഷിച്ചിട്ടും വളരെപ്പെട്ടെന്ന് നര വീണ്ടും വരുന്നു എന്ന പ്രശ്‌നം ഭൂരിഭാഗംപേരെയും അലട്ടുന്നുണ്ട്. എന്നാൽ, ഇനി അങ്ങനെ സംഭവിക്കില്ല. വെറും ഒറ്റത്തവണത്തെ ഉപയോഗത്തിലൂടെ മാസങ്ങളോളം മുടി കട്ടക്കറുപ്പാക്കാൻ കഴിയുന്ന ഒരു ഹെയർ ഡൈ പരിചയപ്പെടാം. ഇതിന് ആവശ്യമായ സാധനങ്ങൾ എന്തൊക്കെയാണെന്നും എങ്ങനെയാണ് തയ്യാറാക്കേണ്ടതെന്നും നോക്കാം. ഇതേ രീതിയിൽ കൃത്യമായി ചെയ്‌താൽ ശരിയായ ഫലം ലഭിക്കുന്നതാണ്.
ആവശ്യമായ സാധനങ്ങൾ
ശംഖുപുഷ്‌പം - ഒരു പിടി
ചെമ്പരത്തി പൂവ് - 6 എണ്ണം
കറിവേപ്പില - ഒരു പിടി
പനിക്കൂർക്ക ഇല - ഒരു പിടി
വെള്ളം - ഒന്നര ഗ്ലാസ്
നെല്ലിക്കപ്പൊടി - 1 ടേബിൾസ്‌പൂൺ
തയ്യാറാക്കുന്ന വിധം
വെള്ളത്തിലേക്ക് ശംഖുപുഷ്‌പം, ചെമ്പരത്തി പൂവ്, കറിവേപ്പില, പനിക്കൂർക്ക ഇല എന്നിവ ചേർത്ത് തിളപ്പിച്ച് കുറുക്കി എടുക്കുക. ഇതിനെ അരിച്ചെടുക്കണം. ശേഷം ഒരു ഇരുമ്പ് ചീനച്ചട്ടിയിൽ നെല്ലിക്കപ്പൊടിയും നേരത്തേ തയ്യാറാക്കി വച്ച വെള്ളവും ചേർത്ത് യോജിപ്പിച്ച് കുറുക്കി എടുക്കുക. ഒരു രാത്രി മുഴുവൻ അടച്ചുവച്ച് പിറ്റേന്ന് ഉപയോഗിക്കാവുന്നതാണ്.
ഉപയോഗിക്കേണ്ട വിധം
ഷാംപൂ ഉപയോഗിച്ച് കഴുകി വൃത്തിയാക്കിയ മുടിയിലേക്ക് വേണം ഡൈ പുരട്ടിക്കൊടുക്കാൻ. ഒന്നോ രണ്ടോ മണിക്കൂർ വച്ചശേഷം കഴുകി കളയാവുന്നതാണ്. കുളിക്കുമ്പോൾ ഷാംപൂ ഉപയോഗിക്കാൻ പാടില്ല. ആഴ്‌ചയിൽ രണ്ട് തവണ ഈ ഡൈ പുരട്ടാം.