പ്രായഭേദമില്ലാതെ ഇപ്പോൾ എല്ലാവരെയും അലട്ടുന്ന പ്രശ്‌നമാണ് നര. ഇത് പരിഹരിക്കാൻ പല തരത്തിലുള്ള നാച്വറൽ വഴികളും മാർക്കറ്റിൽ ലഭിക്കുന്ന ഡൈകളും ഉപയോഗിക്കുന്നുണ്ടാവും നിങ്ങൾ. ഇതെല്ലാം പരീക്ഷിച്ചിട്ടും വളരെപ്പെട്ടെന്ന് നര വീണ്ടും വരുന്നു എന്ന പ്രശ്‌നം ഭൂരിഭാഗംപേരെയും അലട്ടുന്നുണ്ട്. എന്നാൽ, ഇനി അങ്ങനെ സംഭവിക്കില്ല. വെറും ഒറ്റത്തവണത്തെ ഉപയോഗത്തിലൂടെ മാസങ്ങളോളം മുടി കട്ടക്കറുപ്പാക്കാൻ കഴിയുന്ന ഒരു ഹെയർ ഡൈ പരിചയപ്പെടാം. ഇതിന് ആവശ്യമായ സാധനങ്ങൾ എന്തൊക്കെയാണെന്നും എങ്ങനെയാണ് തയ്യാറാക്കേണ്ടതെന്നും നോക്കാം. ഇതേ രീതിയിൽ കൃത്യമായി ചെയ്‌താൽ ശരിയായ ഫലം ലഭിക്കുന്നതാണ്.

ആവശ്യമായ സാധനങ്ങൾ

കഞ്ഞിവെള്ളം - 1 ഗ്ലാസ്

കരിംജീരകം - 1 ടേബിൾസ്‌പൂൺ

ഉലുവ - 1 ടേബിൾസ്‌പൂൺ

ഗ്രാമ്പു - 6 എണ്ണം

കറിവേപ്പില - ഒരു പിടി

ഗ്രീൻ ടീ - 1 ടേബിൾസ്‌പൂൺ

തയ്യാറാക്കുന്ന വിധം

ഒരു ഇരുമ്പ് ചീനച്ചട്ടിയിലേക്ക് കരിംജീരകം, ഉലുവ, ഗ്രാമ്പു എന്നിവ ചേർത്ത് നന്നായി ചൂടാക്കുക. നിറം മാറി വരുമ്പോൾ ഇതിലേക്ക് കറിവേപ്പില ചേർത്ത് നന്നായി വറുത്തെടുക്കണം. തണുക്കുമ്പോൾ പൊടിച്ച് മാറ്റി വയ്‌ക്കുക. ശേഷം ഇതേ ഇരുമ്പ് ചീനച്ചട്ടിയിൽ കഞ്ഞിവെള്ളമെടുത്ത് ഗ്രീൻ ടീ ചേർത്ത് നന്നായി തിളപ്പിച്ച് കുറുക്കിയെടുക്കുക. തണുക്കുമ്പോൾ ഇതിലേക്ക് നേരത്തേ മാറ്റിവച്ച പൊടിചേർത്ത് യോജിപ്പിച്ച് ഡൈ രൂപത്തിലാക്കി ഒരു രാത്രി മുഴുവൻ അടച്ച് വയ്‌ക്കുക. പിറ്റേന്ന് ഉപയോഗിക്കാവുന്നതാണ്.

ഉപയോഗിക്കേണ്ട വിധം

ഷാംപൂ ഉപയോഗിച്ച് കഴുകി വൃത്തിയാക്കിയ മുടിയിലേക്ക് വേണം ഡൈ പുരട്ടിക്കൊടുക്കാൻ. ഒന്നോ രണ്ടോ മണിക്കൂർ വച്ചശേഷം കഴുകി കളയാവുന്നതാണ്. കുളിക്കുമ്പോൾ ഷാംപൂ ഉപയോഗിക്കാൻ പാടില്ല. ആഴ്‌ചയിൽ രണ്ട് തവണ ഈ ഡൈ പുരട്ടാം.