കർണാടക-കേരള സംസ്ഥാനങ്ങളിൽ പതിവുള്ള 'ഭൂതകോല' എന്ന കലാരൂപവുമായി ബന്ധിച്ച് 'കാന്താര' എന്ന ചിത്രത്തിലൂടെ ഇന്ത്യമുഴുവൻ താരമായി മാറിയയാളാണ് ഋഷഭ് ഷെട്ടി. കർണാടകയിലെ സൂപ്പർതാരമായ ഋഷഭിന്റെ കാന്താര എന്ന പാൻ ഇന്ത്യൻ ചിത്രം അദ്ദേഹത്തിന് മികച്ച നടനുള്ള ദേശീയ അവാർഡ് നേടിക്കൊടുത്തു. വൈകാതെ ചിത്രത്തിന്റെ പ്രീക്വൽ ആയുള്ള രണ്ടാം ഭാഗം പുറത്തിറക്കുന്നതിന്റെ ജോലിയിലുമാണ് അദ്ദേഹം.
ഇതിനൊപ്പം വമ്പൻ പ്രോജക്‌ടുകളുമായാണ് ഋഷഭ് വരുന്നത്. ഇപ്പോഴിതാ തന്റെ വലിയൊരു പ്രൊജക്‌ടിന്റെ ഫസ്റ്റ്‌ലുക്ക് പോസ്റ്റർ പുറത്തുവിട്ടിരിക്കുകയാണ് നടൻ. 'ദി പ്രൈഡ് ഓഫ് ഭാരത്-ഛത്രപതി ശിവജി മഹാരാജ്' എന്ന ചിത്രത്തിൽ മറാത്താ അധിപനായിരുന്ന ഛത്രപതി ശിവജിയായാണ് നടൻ വേഷമിടുന്നത്. സന്ദീപ് സിംഗിന്റെ സംവിധാനത്തിൽ ഒരുങ്ങുന്ന ചിത്രം 2027 ജനുവരി 21ന് റിലീസ് ചെയ്യാനാണ് ലക്ഷ്യമിടുന്നത്.
Our Honour & Privilege, Presenting the Epic Saga of India’s Greatest Warrior King – The Pride of Bharat: #ChhatrapatiShivajiMaharaj. #ThePrideOfBharatChhatrapatiShivajiMaharaj
— Rishab Shetty (@shetty_rishab) December 3, 2024
This isn’t just a film – it’s a battle cry to honor a warrior who fought against all odds, challenged… pic.twitter.com/CeXO2K9H9Q
ബഹുമാനത്തോടും അഭിമാനത്തോടും കൂടി ഇന്ത്യയിലെ ഏറ്റവും വലിയ പോരാളിയായ രാജാവിന്റെ കഥ അവതരിപ്പിക്കുന്നു എന്നതാണ് പോസ്റ്റർ പങ്കുവച്ച് ഋഷഭ് സമൂഹമാദ്ധ്യമങ്ങളിൽ കുറിച്ചത്. ഋഷഭിന്റെ അടുത്തചിത്രം കാന്താര ചാപ്റ്റർ 1 അടുത്തവർഷം ഒക്‌ടോബർ രണ്ടിനാണ് റിലീസ്. ഹോംബാലെ ഫിലിംസ് തന്നെ പുറത്തിറക്കുന്ന ചിത്രം ഏഴ് ഭാഷകളിലാണ് റിലീസ് ചെയ്യുക.