മുഖസൗന്ദര്യത്തിൽ പ്രധാന പങ്ക് വഹിക്കുന്ന ഒന്നാണ് പുരികങ്ങൾ. എത്ര സമയമെടുത്ത് ഒരുങ്ങിയാലും പുരികം കട്ടിയില്ലെങ്കിൽ എന്തോ ഒരു കുറവുള്ളതുപോലെ മിക്കവരുടെയും മുഖത്ത് തോന്നിക്കാറുണ്ട്. പുരികത്തിന് കട്ടി തോന്നിക്കാനായി ഐബ്രോ പെൻസിൽ, ഐബ്രോ ജെൽ തുടങ്ങിയ വസ്തുക്കൾ ഉപയോഗിക്കുന്നവരും ധാരാളമുണ്ട്.

എന്നാൽ, ഇത്തരത്തിലുള്ള സാധനങ്ങൾ ശരിയായി ഉപയോഗിച്ചില്ലെങ്കിൽ വിചാരിക്കുന്ന ഫലം കിട്ടില്ല. ഈ മാർഗങ്ങളൊന്നും ഇല്ലാതെ പുരികം എങ്ങനെ നാച്വറലായി ഭംഗിയുള്ളതും കട്ടിയുള്ളതുമാക്കാം എന്നതിനെ പറ്റി അറിയാം. ഇത് ശരിയായി ചെയ്ത് കഴിഞ്ഞാൽ നിങ്ങൾക്ക് പുരികം ത്രെഡ് ചെയ്യേണ്ട ആവശ്യം പോലും വരുന്നില്ല. ഇതിന് ആവശ്യമായ സാധനങ്ങൾ എന്തൊക്കെയാണെന്നും ചെയ്യേണ്ട രീതിയും നോക്കാം. ഒറ്റ ഉപയോഗത്തിൽ തന്നെ ഫലം കാണാൻ സാധിക്കും.

ആവശ്യമായ സാധനങ്ങൾ

വെളിച്ചെണ്ണ - 1 ടേബിൾസ്‌പൂൺ

ആവണക്കെണ്ണ - അര ടേബിൾസ്‌പൂൺ

ചെറിയ ഉള്ളിയുടെ നീര് - 1 ടേബിൾസ്‌പൂൺ

തയ്യാറാക്കുന്ന വിധം

ഒരു പാത്രത്തിൽ വെളിച്ചെണ്ണയും ആവണക്കെണ്ണയും ഉള്ളിനീരും ചേർത്ത് നന്നായി യോജിപ്പിച്ച് ചെറുതായി ചൂടാക്കി എടുക്കുക.

ഉപയോഗിക്കേണ്ട വിധം

നേരത്തേ തയ്യാറാക്കി വച്ച കൂട്ട് രാത്രി ഉറങ്ങുന്നതിന് മുമ്പ് പുരികത്തിൽ പുരട്ടിക്കൊടുക്കുക. അഞ്ച് മിനിട്ടെങ്കിലും കുറഞ്ഞത് മസാജ് ചെയ്യണം. 15 മിനിട്ട് വച്ചശേഷം കഴുകി കളയാം. രാത്രി മുഴുവൻ വച്ചശേഷം രാവിലെ കഴുകി കളയുന്നതാണ് ഉത്തമം.