റാം സാഗർ തമ്പുരാൻ, ഫോൺ: 8301036352, വാട്സാപ്പ് : 9633721128, ഇ-മെയിൽ: samkhiyarathnam@gmail.com
2024 ഡിസംബർ 16 - 1200 ധനു 1 തിങ്കളാഴ്ച. ( പുലർച്ചെ 2 മണി 19 മിനിറ്റ് 28 സെക്കന്റ് വരെ മകയിരം നക്ഷത്രം ശേഷം തിരുവാതിര നക്ഷത്രം )
അശ്വതി: പങ്കാളിയാൽ നേട്ടങ്ങൾ ഉണ്ടാകും, മിത്രങ്ങളുടെ സഹായം ലഭിക്കും. പ്രവൃത്തിവിജയം, സന്താനങ്ങളെക്കൊണ്ട് ഗുണം. ആത്മവിശ്വാസം വര്‍ദ്ധിക്കും.
ഭരണി: സ്വഹിതത്തിന് വിപരീതമായി കുടുംബാംഗങ്ങള്‍ പെരുമാറും, അത്യാവശ്യ സമയത്ത് പണത്തിന് ബുദ്ധിമുട്ടുണ്ടാകും, വ്യവഹാരങ്ങൾ പ്രതികൂലമാകും, സാമ്പത്തിക ഇടപാടില്‍ അബദ്ധം പറ്റും, അന്യരുടെ വാക്ക് കേട്ട് അബദ്ധത്തില്‍ പെടരുത്.
കാര്‍ത്തിക: കഠിനാധ്വാനം ചെയ്യുന്നവർക്ക് തീർച്ചയായും അതിന്റെ ഫലം ലഭിക്കും. ശത്രുക്കളെ പരാജയപ്പെടുത്തും, എല്ലാ രംഗത്തും വിജയവും അംഗീകാരവും, വിദേശ ജോലിക്കുള്ള പരിശ്രമങ്ങളില്‍ വിജയം.
രോഹിണി: അമിതമായ ആത്മവിശ്വാസം ദോഷം ചെയ്യും. ശാരീരിക പ്രശ്നങ്ങൾ ഉടലെടുക്കും. വിശ്രമമില്ലാതെ ജോലി ചെയ്യേണ്ടി വരും, മറ്റുള്ളവരുടെ കാര്യങ്ങളില്‍ ഇടപെട്ട് ആരോപണങ്ങള്‍ കേള്‍ക്കേണ്ടി വരും.
മകയിരം: ആശയങ്ങൾ മറ്റുള്ളവർക്ക് ബോദ്ധ്യമാകും വിധം അവതരിപ്പിക്കാനും അംഗീകാരം നേടാനും കഴിയും, പ്രണയ ബന്ധങ്ങളിൽ അകപ്പെടാന്‍ സാദ്ധ്യത, കുലീനമായ പെരുമാറ്റം കാഴ്ച വയ്ക്കും, വ്യവഹാരങ്ങളില്‍ വിജയം.
തിരുവാതിര: പ്രതിയോഗികള്‍ പിന്തിരിയും, പുതിയ ബന്ധങ്ങള്‍ ഉണ്ടാകും, നൂതന അറിവുകള്‍ സമ്പാദിക്കും. ജോലി കിട്ടിയോ സ്ഥലം മാറ്റം ലഭിച്ചോ സ്വകുടുംബത്തില്‍ നിന്നും മാറി നില്‍ക്കും, വിദ്യാര്‍ഥികള്‍ക്ക്‌ പഠനത്തില്‍ നല്ല ഉയർച്ച.
പുണര്‍തം: കുടുംബത്തില്‍ ഐശ്വര്യവും സമാധാനവും നിലനിർത്താൻ സാധിക്കും, അശരണരെ സഹായിക്കും. ശത്രുക്കളില്‍ നിന്നും മോചനം, യാത്രകള്‍ വേണ്ടി വരും, ഉദ്ദേശിക്കുന്ന കാര്യങ്ങള്‍ സാധിക്കും.
പൂയം: മോശം കൂട്ടു കെട്ടുകളില്‍ നിന്നും കഴിയുന്നതും അകന്നു നില്‍ക്കുക, ദാമ്പത്യത്തില്‍ സുഖാനുഭവങ്ങള്‍. ശാരീരികമായി വളരെയധികം സുഖാനുഭവങ്ങള്‍, ആഗ്രഹങ്ങൾ സഫലമാകും, തൊഴിലില്‍ നിന്നും നേട്ടങ്ങള്‍, സംസാരം വളരെ നിയന്ത്രിക്കണം.
ആയില്യം: ഉദ്യോഗസ്ഥർക്ക് അനുകൂലമായ ചില മാറ്റങ്ങൾ ഉണ്ടാകും. വിവാഹാലോചനകളിൽ അനുകുല തീരുമാനമുണ്ടാകും. താല്‍ക്കാലിക ജോലി സ്ഥിരമാകും. കലാ മത്സരങ്ങളില്‍ വിജയവും അംഗീകാരവും, ആരോഗ്യ നില തൃപ്തികരം.
മകം: സാമ്പത്തിക പുരോഗതി ഉണ്ടാകും. പ്രവർത്തന രംഗത്ത് പലവിധ നേട്ടങ്ങൾ വന്നുഭവിക്കും. വിദ്യാർത്ഥികൾക്ക് നല്ല പുരോഗതിയുണ്ടാകും. ഉദ്ദേശിച്ച സ്ഥലത്തേക്ക് സ്ഥാനമാനങ്ങളോടു കൂടി സ്ഥാനമാറ്റം ഉണ്ടാകും, കുടുംബജീവിതം സന്തോഷകരമാകും, മറ്റുള്ളവര്‍ക്ക് പലവിധ സഹായങ്ങളും ചെയ്യും.
പൂരം: ജീവിതത്തില്‍ പലവിധത്തിലും ഉള്ള പുരോഗതി, സ്വന്തം പ്രവര്‍ത്തികള്‍ വിജയത്തിലെത്തും. കുടുംബത്തില്‍ സമാധാനം, ആത്മവിശ്വാസക്കൂടുതൽ, എല്ലാ പ്രതിസന്ധികളും മറികടന്നു മുന്നോട്ട് പോകുവാന്‍ കഴിയും.
ഉത്രം: ബിസിനസ് ചെയ്യുന്നവർക്ക് വലിയ ലാഭം പ്രതീക്ഷിക്കാം. തിരിച്ചു കിട്ടില്ല എന്ന് കരുതിയ ധനം തിരിക ലഭിക്കും. എതിരാളികളുടെ വിമർശനങ്ങളെ മറികടക്കാനാകും, പരിശ്രമങ്ങള്‍ക്ക് അനുകുലമായ ഫലം കിട്ടും, അഭിമാനകരമായ സംഗതികള്‍ സംഭവിക്കും.
അത്തം: തൊഴില്‍ പരമായി ഉയര്‍ച്ച, ഏത് കാര്യങ്ങൾക്കും മാതാപിതാക്കളുടെ അഭിപ്രായം തേടുന്നത് നല്ല ഫലം തരും. മറ്റുള്ളവരാല്‍ നിയന്ത്രിക്കപ്പെടും, നഷ്ടപെട്ട പലതും തിരികെ ലഭിക്കും, പുതിയ ബിസിനസ് തുടങ്ങും, സഹപ്രവര്‍ത്തകര്‍ക്ക് അസൂയ തോന്നുന്ന കാര്യങ്ങള്‍ സംഭവിക്കും.
ചിത്തിര: തൊഴിൽ രംഗത്ത് നേട്ടങ്ങൾ കൈവരിക്കും. പുതിയ ജോലിക്കു ശ്രമിച്ചാൽ നടക്കും. രോഗ ശാന്തി, വിദ്യാവിജയം, ബിരുദലാഭം, പുരസ്‌കാരം, എന്നിവയുണ്ടാകും, കുടുംബ കാര്യങ്ങളിൽ ശ്രദ്ധ പ്രകടിപ്പിക്കും.
ചോതി: ശത്രുക്കള്‍ വര്‍ദ്ധിക്കും, യാത്രകൾ കാരണം സാമ്പത്തിക ബാദ്ധ്യതയുണ്ടാക്കും, ജീവിതം വിജയം നേടാൻ കഠിനപരിശ്രമം വേണ്ടി വരും, ദാമ്പത്യ ജീവിതത്തില്‍ വിഷമതകള്‍ മാതാപിതാക്കളുമായി അഭിപ്രായ വ്യത്യാസങ്ങള്‍, സാമ്പത്തിക നഷ്ടം, ആരോഗ്യപരമായി മോശ സമയം.
വിശാഖം: മൂന്നാമതൊരാൾ ദമ്പതികൾക്കിടയിൽ പ്രശ്നങ്ങൾ ഉണ്ടാക്കുവാൻ ശ്രമിക്കുന്നത് തടയുക.
ദാമ്പത്യ ജീവിതം ക്ലേശകരം ആയിരിക്കും. വിശ്വസ്ഥർ അവശ്യ സമയത്ത് സഹായിക്കില്ല, അനാവശ്യ കാര്യങ്ങള്‍ക്കായി പണം ചെലവാകും. വിലപിടിച്ച വസ്തുക്കൾ നഷ്ടപ്പെടും.
അനിഴം: വ്യക്തിജീവിതത്തില്‍ സ്ത്രീകള്‍ കാരണം പ്രശ്നങ്ങൾ, അമിതമായ ശുഭാപ്തി വിശ്വാസം എല്ലാ കാര്യങ്ങളിലും വച്ചു പുലര്‍ത്തരുത്. ധനനഷ്ടം, പാഴ്ചെലവുകള്‍ വര്‍ദ്ധിക്കും, അഭിപ്രായ വ്യത്യാസങ്ങളും ഭിന്നതകളും ഉണ്ടാകും. മാനഹാനി സംഭവിക്കാനിടയാകും.
കേട്ട: ആരോഗ്യ കാര്യങ്ങളിൽ ഉയർച്ച താഴ്ചകൾ ഉണ്ടാകും. നിര്‍മ്മാണ പ്രവര്‍ത്തികളിൽ തടസങ്ങള്‍, മനക്ലേശങ്ങള്‍ ഉണ്ടാകും, കടവും രോഗ ദുരിതങ്ങളും വര്‍ദ്ധിക്കും സന്താനങ്ങള്‍ കാരണം ദുരിതകരമായ അനുഭവങ്ങള്‍, മാനസിക പ്രയാസങ്ങള്‍ അലട്ടി കൊണ്ടിരിക്കും.
മൂലം: വിദ്യാർത്ഥികൾക്ക് അനുകൂലമായ മാറ്റങ്ങൾ പലതും ഉണ്ടാകുന്നതിനു സാദ്ധ്യത, തിരിച്ചു കിട്ടില്ലെന്നു കരുതിയ ധനം ലഭിക്കും, ദമ്പതികള്‍ വീണ്ടും ഒന്നിക്കാന്‍ സാദ്ധ്യത, പൂര്‍വ്വീകസ്വത്ത് ലഭിക്കാനിടയുണ്ട്, വിദേശ യോഗം.
പൂരാടം: ഗുണകരമായ മാറ്റങ്ങൾ ഉണ്ടാകും. കുടുംബത്തിൽ സന്തോഷം കൈവരും. മനസ്സിനു സന്തോഷമുണ്ടാകും.നേതൃപാടവവും കാണിക്കും, എതിര്‍പ്പുകള്‍ കുറയും, മാദ്ധ്യമ രംഗത്തുള്ളവര്‍ക്ക് അംഗീകാരം, വിദ്യാലാഭം ജോലിയില്‍ ഉയര്‍ച്ച, ഗുരുജനങ്ങളെ കണ്ടുമുട്ടും.
ഉത്രാടം: പ്രണയത്തിന് അനുകൂലമായ സാഹചര്യങ്ങള്‍ ഉണ്ടാകും, എല്ലാം ഭംഗിയായി നടക്കും. ബന്ധുക്കള്‍ അനുകൂലരാകും, വിദേശാനുകൂല്യം. പ്രവര്‍ത്തിവിജയം, പ്രയത്നം സഫലമാകും, ദൈവീക ചിന്ത, സ്ത്രീകള്‍ക്ക് നല്ലസമയം, അന്യദേശ യാത്രകള്‍ ഗുണകരമാകും.
തിരുവോണം: പരീക്ഷകൾക്ക് തയ്യാറെടുക്കുന്നവർക്ക് വലിയ വെല്ലുവിളികൾ നേരിടേണ്ടി വരും. ശത്രുക്കള്‍ കൂടുതല്‍ ശക്തരാകും, അധികാരം പ്രകടിപ്പിക്കേണ്ടി വരും. ആരോഗ്യ കാര്യങ്ങളില്‍ അതീവ ശ്രദ്ധ വേണ്ടുന്ന സമയം, ധനപരമായ കാര്യങ്ങളില്‍ വലിയ പ്രതീക്ഷയ്ക് വകയില്ല.
അവിട്ടം: ദൂരയാത്രാക്ലേശം, സുഖവും ദുഃഖവും മാറി വരും, ആരോഗ്യം സംരക്ഷിക്കണം. പുതിയ ജോലി ലഭിക്കും, കലഹങ്ങള്‍ ഉണ്ടാകാതെ നോക്കണം, ഏല്ലാരംഗത്തും വിജയം, ഏറ്റെടുത്ത പദ്ധതികള്‍ പൂര്‍ത്തിയാക്കും.
ചതയം: ഭാര്യാഗുണം, സ്ത്രീകള്‍ മുഖേനെ സന്തോഷം കിട്ടും, കലാമത്സരങ്ങളില്‍ വിജയം. ശത്രുക്കള്‍ നിഷ്പ്രഭരാകും, കുടുംബത്തിലെ അസ്വസ്ഥതകൾക്ക് ശമനം, കുടുംബ സുഖം, സന്താനങ്ങളെക്കൊണ്ട് ഗുണം.
പൂരുരുട്ടാതി: എല്ലാ കാര്യങ്ങളും മറ്റുള്ളവരും ആയി പങ്കിടുന്ന സ്വഭാവം ഉപേക്ഷിക്കുക. വിവാദങ്ങളില്‍ അകപ്പെടാതെ സൂക്ഷിക്കണം, ബന്ധു ബലം വർദ്ധിക്കും, ആരോഗ്യ പരമായി ഉണ്ടായിരുന്ന അസ്വസ്ഥതകള്‍ മാറും, തെറ്റിദ്ധാരണകള്‍ ഒഴിഞ്ഞു പോകും.
ഉത്തൃട്ടാതി: സാമ്പത്തിക സഹായം ലഭിക്കും, മറ്റുള്ളവരെ സഹായിക്കാന്‍ താല്‍പര്യം കാണിക്കും, യാത്രാഗുണം കാണുന്നുണ്ട്. ഉന്നത വിദ്യാഭ്യാസത്തിനു യോഗ്യത, ഇഷ്ടജന പ്രീതി, ഭൂമിയുടെ ക്രയവിക്രയം ലാഭാകരമാകും, ജീവിത വിജയം നേടും, പണമിടപാടുകളില്‍ ലാഭം.
രേവതി: പൊതുവെ ഗുണദോഷ സമ്മിശ്രമായിരിക്കും. സാമ്പത്തികമായി മന്ദത അനുഭവപ്പെടും. പുതിയ തൊഴിലിനു ശ്രമിക്കുന്നത് ഫലപ്രദമാവാൻ കാലതാമസമെടുക്കും. വരുമാനത്തില്‍ വര്‍ദ്ധനവ് ഉണ്ടാകും, ഭൂമി ലാഭം, വാഹനങ്ങള്‍ കൈകാര്യം ചെയ്യുമ്പോള്‍ ശ്രദ്ധിക്കണം.