ദിവസേന പുറത്തേക്ക് പോകുന്നവർക്ക് പല തരത്തിലുള്ള ചർമ പ്രശ്‌നങ്ങൾ വരാനുള്ള സാദ്ധ്യത കൂടുതലാണ്. പ്രത്യേകിച്ച് അമിതമായി ചൂടും പൊടിയും വെയിലും ഏൽക്കുന്നവർ. ഇത്തരത്തിലുള്ളവരുടെ മുഖത്ത് കരിവാളിപ്പും ചർമത്തിൽ ചുളിവും ഉണ്ടാവും. സൺസ്‌ക്രീൻ ഉപയോഗിച്ചാൽ ഒരു പരിധി വരെ ഈ പ്രശ്‌നങ്ങൾ ഉണ്ടാകുന്നത് തടയാം.
ഇനി ചർമപ്രശ്‌നങ്ങൾ ഉണ്ടായവരാണെങ്കിൽ അത് മാറാനായി വീട്ടിൽ തന്നെ ചെയ്യാവുന്ന ഒരു പാക്കുണ്ട്. ഈ ഫേസ്‌പാക്ക് ആഴ്‌ചയിൽ രണ്ട് ദിവസം പുരട്ടിക്കഴിഞ്ഞാൽ മുഖത്തെ ബ്ലാക്ക്‌ഹെഡ്‌സ് ഉൾപ്പെടെ മാറി ചർമം മൃദുവും തിളക്കമുള്ളതുമാകും. ഇതിന് ആവശ്യമുള്ള സാധനങ്ങൾ എന്തൊക്കെയാണെന്നും എങ്ങനെ തയ്യാറാക്കാമെന്നും നോക്കാം.
ആവശ്യമായ സാധനങ്ങൾ
നാരങ്ങാനീര് - അര ടീസ്‌പൂൺ
തേൻ - 1 ടീസ്‌പൂൺ
തൈര് - 1 ടീസ്‌പൂൺ
ഗോതമ്പ് പൊടി - 1 ടീസ്‌പൂൺ
കടലപ്പൊടി - 1 ടീസ്‌പൂൺ
മഞ്ഞൾപ്പൊടി - കാൽ ടീസ്‌പൂൺ
തയ്യാറാക്കുന്ന വിധം
ഒരു പാത്രത്തിൽ ഗോതമ്പ് പൊടി, കടലപ്പൊടി, മഞ്ഞൾപ്പൊടി, തേൻ, നാരങ്ങാനീര് എന്നിവ ചേർത്ത് നന്നായി യോജിപ്പിക്കണം. ഇതിലേക്ക് തൈര് കൂടി ചേർത്ത് ക്രീം രൂപത്തിലാക്കണം.
ഉപയോഗിക്കേണ്ട വിധം
ഫേസ്‌വാഷ് അല്ലെങ്കിൽ പയറുപൊടി ഉപയോഗിച്ച് മുഖം നന്നായി കഴുകി വൃത്തിയാക്കുക. ശേഷം ഈ ഫേസ്‌പാക്ക് പുരട്ടിക്കൊടുക്കാവുന്നതാണ്. 15 - 20 മിനിട്ട് വച്ചശേഷം ഒരു തവണ കൂടി മുഖത്തും കഴുത്തിലും ഫേസ്‌പാക്ക് പുരട്ടുക. ഉണങ്ങുമ്പോൾ കഴുകി കളയാം.