നാളെ മുതൽ പത്തിലധികം ദിവസത്തേക്ക് റവന്യൂ സർവീസുകൾ ഉണ്ടാകില്ലെന്ന് അറിയിച്ച് ഡൽഹി മെട്രോ റെയിൽ കോർപറേഷൻ. ജഹാംഗീർപുരി,സമയപൂർ ബദ്ലി എന്നീ സ്​റ്റേഷനുകളിലെ മെട്രോ സർവീസുകൾക്ക് മാ​റ്റം വരുമെന്ന് ഡൽഹി മെട്രോ അറിയിപ്പ് നൽകിയിട്ടുണ്ട്. എക്സിലൂടെയാണ് അറിയിപ്പ് പങ്കുവച്ചിരിക്കുന്നത്.

പോസ്​റ്റിൽ പറയുന്നതനുസരിച്ച് രാത്രി 10.45നുശേഷം ജഹാംഗീർപുരി മുതൽ സമയപൂർ ബദ്ലി വരെയുളള റവന്യൂ സർവീസുകൾ ഉണ്ടാകില്ല. സാധാരണ റവന്യൂ സർവീസുകൾ ആരംഭിക്കുന്നത് രാവിലെ 7.02 മുതലാണ്. പത്ത് ദിവസത്തേക്ക് ഈ സർവീസുകൾ ഉണ്ടാകില്ല. സമയപൂർ ബദ്ലി. രോഹിണി സെക്ടർ 18, 19,ഹെയ്‌ദെപൂർ ബദ്ലി മോർ സ്‌​റ്റേഷനുകളും ഈ സമയങ്ങളിൽ അടഞ്ഞുകിടക്കും.

അതേസമയം, ഈ സ്‌​റ്റേഷനുകളിലൂടെയുളള നോർമൽ സർവീസുകളെ ഈ മാറ്റം ബാധിക്കില്ല. കൂടാതെ കേശവ് പുരത്ത് നിന്ന് റിത്താലയിലേക്കുള്ള റെഡ് ലൈനിലെ (ലൈൻ-1) ട്രെയിൻ സർവീസുകൾ ഡിസംബർ 31, ജനുവരി ഒന്ന് എന്നീ ദിവസങ്ങളിൽ ഉണ്ടാകില്ലെന്നും അറിയിപ്പിലുണ്ട്.