മലപ്പുറം ജില്ലയിൽ എടപ്പാളിനടുത്തുള്ള ശുകപുരം ഗ്രാമത്തിൽ സ്ഥിതിചെയ്യുന്ന അതിപുരാതനവും, മഹത്തരവുമായ ക്ഷേത്രമാണ് ശ്രീ ശുകപുരം ദക്ഷിണാമൂർത്തി ക്ഷേത്രം. ശുകപുരം ക്ഷേത്രം ഇന്ത്യയിലെ തന്നെ പ്രധാനപ്പെട്ട ദക്ഷിണാമൂർത്തി ക്ഷേത്രങ്ങളിൽ ഒന്നാണ്. മലബാർ ദേവസ്വം ബോർഡിന്റെ കീഴിൽ ഉള്ള ഈ ക്ഷേത്രത്തിന് 3500ൽ പരം വർഷങ്ങളുടെ പഴക്കം ഉണ്ടെന്നാണ് വിശ്വസിക്കുന്നത്. വലിയ ശ്രീകോവിലിൽ കരിങ്കല്ലിൽ തീർത്ത രണ്ടു തട്ടുകളുണ്ട്. ക്ഷേത്രത്തിലെ പ്രധാന പ്രതിഷ്ഠ ശ്രീ ദക്ഷിണാമൂർത്തിയാണ്. വലതു ഭാഗത്ത് ഗണപതി, കിഴക്കോട്ട് തിരിഞ്ഞു ശിവൻ, ശിവന്റെ വടക്കുഭാഗത്ത് പാർവതി ദേവി എന്നിങ്ങനെയാണ് മറ്റു പ്രതിഷ്ഠകൾ. ആറടിയോളം വലിപ്പം ഉള്ള ശിവലിംഗം ഇവിടുത്തെ മറ്റൊരു പ്രത്യേകതയാണ്.

ആയുർവേദം, ധനുർവേദം, ഗന്ധർവ്വവേദം (നാട്യശാസ്ത്രം, സംഗീത സാരസംഗ്രഹം), ശിൽപശാസ്ത്രം, ജ്യോതിഷശാസ്ത്രം തുടങ്ങി ഇതുവരെ അറിയപ്പെട്ടതും അറിയാത്തതും ഇനിയും മനുഷ്യർ ഉപയോഗിച്ചിട്ടില്ലാത്തതുമായ അസംഖ്യം വിജ്ഞാനശാഖകളുടെ വിജ്ഞാനത്തിന്റെയും പഠനത്തിന്റെയും വിവിധ ശാഖകളുടെ പരമഗുരുവാണ് ശ്രീ ദക്ഷിണാമൂർത്തി. ഗുരുവായൂർ ക്ഷേത്രം, ശബരിമല തുടങ്ങിയ മഹാക്ഷേത്രങ്ങളിലെ നിരവധി പണ്ഡിതന്മാരുടെയും പൂജാരിമാരുടെയും ഗ്രാമക്ഷേത്രമാണ് ഈ ക്ഷേത്രം. വേദജപത്തിന്റെയും ശിവശക്തിയുടെയും നിധി ശേഖരമാണ് ക്ഷേത്രത്തെ അത്യപൂർവവും ചൈതന്യവത്തും ആക്കുന്നത്.

സഹസ്രാബ്ദങ്ങൾക്ക് മുൻപ് മഹാമുനി ശുകമഹർഷി ക്ഷേത്രത്തിൽ പ്രതിഷ്ഠ നടത്തി എന്നാണ് വിശ്വാസം, ദക്ഷിണാമൂർത്തിയെ 'വിശ്വഗുരു' എന്ന് സനാതന ധർമ്മത്തിന്റെ തത്വമനുസരിച്ച് ആരാധിക്കുകയും പ്രാർത്ഥിക്കുകയും ചെയ്യുന്ന ലോകത്തിലെ ഏക ക്ഷേത്രമാണിത്. ദക്ഷിണാമൂർത്തി, മഹാദേവശക്തിയുടെ സാരാംശം എല്ലാ അറിവുകളുടെയും ഇരിപ്പിടമായും ഉറവിടമായും ഇവിടെ ആരാധിക്കുന്നു. ജീവിതത്തിന്റെ നാനാ തുറകളിൽ ഉള്ളവരും, മെഡിക്കൽ വിദ്യാർത്ഥികൾ മുതൽ ഉള്ള പലമേഖലയിൽ വിദ്യ അർത്ഥിക്കുന്ന പഠിതാക്കളും ദക്ഷിണാ മൂർത്തിയെ തങ്ങളുടെ ഇഷ്ടദേവനായി ആരാധിക്കുന്നു. വിജ്ഞാനം, ജ്ഞാനം, കൂർമ്മ ബുദ്ധി, ഉൾക്കാഴ്ച എന്നീ തത്വങ്ങൾ തങ്ങളിൽ വന്നു ചേരാനായി ഭക്തർ ദേവനെ പ്രാർത്ഥിക്കുന്നു.

എടപ്പാൾ ടൗണിൽ നിന്ന് പാലക്കാട് റോഡിൽ ഏകദേശം രണ്ടു കിലോ മീറ്റർ മാറിയാണ് ശുകപുരം ക്ഷേത്രം സ്ഥിതി ചെയ്യുന്നത്. ഗ്രാമീണ ഭംഗിയിൽ കുളിച്ചു നിൽക്കുന്നതും, ചുറ്റും അതിപുരാതനങ്ങളായ വിവിധതരം വൃക്ഷങ്ങളാൽ ചുറ്റപ്പെട്ട ക്ഷേത്രപ്പറമ്പും, അതിന്റെ വിശാലതയും ഭക്തർക്ക് വളരെ ശാന്തമായ ഒരന്തരീക്ഷം തന്നെയാണ് ഒരുക്കിയിട്ടുള്ളത്. ക്ഷേത്രത്തിൽ പ്രവേശിക്കുമ്പോൾ തന്നെ അതിപുരാതനവും മഹത്തരവുമായ ഒരു പുണ്യ സ്ഥലത്ത് എത്തി എന്ന ഒരു പ്രതീതി ഭക്തർക്ക് പ്രദാനം ചെയ്യുന്നു.

കുറ്റിപ്പുറം റെയിൽവേ സ്റ്റേഷനിൽ നിന്നും 14 കിലോമീറ്റർ ദൂരത്ത് എടപ്പാളിലാണ് ശുകപുരം ദക്ഷിണാമൂർത്തി ക്ഷേത്രം സ്ഥിതി ചെയ്യുന്നത്. തൃശൂരിൽ നിന്നും, ഗുരുവായൂർ ക്ഷേത്രത്തിൽ നിന്നും ഒരുമണിക്കൂറിൽ താഴെയാണ് യാത്രാ ദൂരം.