പതിവായി ഉപയോഗിക്കുന്ന ആഭരണങ്ങളിൽ അഴുക്ക് പിടിക്കുന്നത് സാധാരണയാണ്. പാത്രം കഴുകുമ്പോൾ, പ്രത്യേകിച്ച് കരിപിടിച്ച പാത്രങ്ങളൊക്കെ കഴുകുമ്പോൾ മോതിരത്തിന്റെ തിളക്കം നഷ്ടമാകും. അതുപോലെ തന്നെ പതിവായി ഇടുന്ന മാലയിലും അഴുക്കുണ്ടാകാറുണ്ട്.

സ്വർണമാണെങ്കിൽപ്പോലും ഒത്തിരി അഴുക്കാകുമ്പോൾ മുക്കുപണ്ടം പോലെ തോന്നിക്കും. ഇങ്ങനെ അഴുക്കുപുരണ്ടാൽ പലരും ജുവലറിയിൽ കൊടുത്തായിരിക്കും അത് വൃത്തിയാക്കുക. എന്നാൽ വീട്ടിലിരുന്നുകൊണ്ടുതന്നെ സ്വർണത്തിലെ അഴുക്ക് എളുപ്പത്തിൽ കളയാൻ സാധിക്കും.

ആവശ്യമായ സാധനങ്ങൾ

മഞ്ഞൾ

ഹാൻഡ്‌വാഷ്

വെള്ളം

ചെയ്യുന്ന രീതി

മഞ്ഞളും ഹാൻഡ്‌വാഷും യോജിപ്പിക്കുക. ഇതിലേക്ക് ചൂടുവെള്ളം ഒഴിക്കുക. നന്നായി യോജിപ്പിച്ച ശേഷം അഴുക്കുപിടിച്ച സ്വർണം വെള്ളത്തിലേക്ക് ഇട്ടുകൊടുക്കുക. പ്ലെയിൻ ഗോൾഡാണ് ഇടേണ്ടത്. വെള്ളക്കല്ലോ, ഡയമണ്ടോ ഒക്കെ വരുന്ന ആഭരണങ്ങൾ ഇടരുത്. ഒരു മണിക്കൂർ കുതിർത്തുവയ്ക്കുക. ശേഷം ഒരു ബ്രഷ് കൊണ്ട് നന്നായി തേച്ചുകൊടുക്കുക. അഴുക്കൊക്കെ മാറും. ഇനി വെള്ളത്തിൽ കഴുകിയെടുക്കാം.