തിരുവനന്തപുരം: 29-ാമത് രാജ്യാന്തര ചലച്ചിത്രമേളയില്‍ മികച്ച വീഡിയോ ക്യാമറാമാനായി കൗമുദി ടിവിയിലെ സീനിയര്‍ ക്യാമറാമാന്‍ രമേഷ്.വി.എസ് തിരഞ്ഞെടുക്കപ്പെട്ടു. 10,000 രൂപയും പ്രശസ്തിപത്രവും ശില്പവും അടങ്ങുന്നതാണ് പുരസ്‌കാരം. ഐ.എഫ്.എഫ്.കെയില്‍ കണ്ട മിനിയേച്ചര്‍ ക്യാമറകള്‍ എന്ന സ്റ്റോറിയുടെ ഛായാഗ്രഹണ മികവിനാണ് ജൂറി പുരസ്‌കാരം. നിശാഗന്ധി ഓഡിറ്റോറിയത്തില്‍ നടന്ന ഐ.എഫ്.എഫ്.കെ സമാപനച്ചടങ്ങില്‍ മന്ത്രി സജി ചെറിയാന്‍ പുരസ്‌കാരം സമ്മാനിച്ചു.