2024 ഡിസംബർ 23 - 1200 ധനു 8 തിങ്കളാഴ്ച.

( പുലർന്ന ശേഷം 9 മണി 8 മിനിറ്റ് 39 സെക്കന്റ് വരെ ഉത്രം നക്ഷത്രം ശേഷം അത്തം നക്ഷത്രം )

അശ്വതി: സർക്കാരിൽ നിന്ന് അനുകൂലമായ തീരുമാനങ്ങൾ ഉണ്ടാകും, പല സ്ഥലത്തു നിന്നും സഹായ സഹകരണങ്ങൾ കിട്ടും, കലാരംഗത്ത് പ്രവർത്തിക്കുന്നവർക്ക് പുതിയ അവസരങ്ങൾ ഉണ്ടാകും.

ഭരണി: രാഷ്ട്രീയ രംഗങ്ങളിൽ പ്രവർത്തിക്കുന്നവർ ലഭിക്കുന്ന അവസരങ്ങൾ ക്രീയാത്മകമായി ഉപയോഗിച്ചാൽ നേട്ടങ്ങൾ കൊയ്യാൻ സാധിക്കും, സാങ്കേതിക രംഗത്ത് അവസരങ്ങളും ഉയർച്ചയും.

കാർത്തിക: ഉദ്യോഗസ്ഥർക്ക് മേലധികാരികളുടെ സഹായം ലഭിക്കും, കോടതി കാര്യങ്ങളിൽ അനുകൂലമായ തീരുമാനങ്ങൾ ഉണ്ടാകുന്ന സമയമാണ്, സന്താനങ്ങളുടെ കാര്യത്തിൽ അഭിമാനം വർദ്ധിക്കും.

രോഹിണി: മാതൃ ബന്ധുക്കൾ അനുകൂലരാകും, പ്രവൃത്തിക്കൊത്ത് വിജയം നേടാൻ സാധിക്കുന്നതാണ്, സാഹിത്യ പ്രവർത്തകർക്ക് പുരസ്കാരങ്ങളോ പുതിയ അവസരങ്ങളോ കിട്ടും.

മകയിരം: അപകീർത്തികളിൽ നിന്നും രക്ഷ നേടും, ഇഷ്ട സുഹൃത്ത്സംഗമം, പ്രതികൂല സാഹചര്യങ്ങളിൽ നിന്ന് അത്ഭുതകരമായി രക്ഷപ്പെടും, കച്ചവടക്കാർ വ്യാപാരം വികസിപ്പിക്കും.

തിരുവാതിര: പുതിയ അധികാര ചുമതലകൾ വഹിക്കാൻ അവസരം, അദ്ധ്വാന ഭാരം കൂടിയാലും വിഷമിക്കേണ്ട വരുമാനം വർദ്ധിക്കും, അപ്രതീക്ഷിതമായി സുഹൃത്തുക്കൾ സഹായിക്കും.

പുണർതം: യാത്രകൾ ഗുണപ്രദമാകും, മാനഹാനി ഉണ്ടാകാതെ സൂക്ഷിക്കണം, വിവാഹ സംബന്ധമായ എല്ലാ തടസ്സങ്ങളും നീങ്ങും, പുർവ്വീക ധനം അനുഭവിക്കും, ആരോഗ്യ നില കൂടുതൽ മെച്ചപ്പെടും.

പുയം: വാണിജ്യംരംഗത്ത് അസ്വസ്ഥതകൾ ഉടലെടുക്കും, സന്താനങ്ങളുടെ സഹായങ്ങൾ കുറയും, രഹസ്യ ഇടപാടുകളിൽ നിന്നും ഒഴിഞ്ഞു മാറുക, തസ്കര ഭയം, സർക്കാറിൽ നിന്ന് താക്കീത് ലഭിക്കാൻ സാധ്യതയുണ്ട്.

ആയില്യം: കേസുകളിൽ പെട്ട് ധനനാശവും അഭിമാനക്ഷതവും, ചില ബന്ധുക്കളുടെ സംരക്ഷണം ഏറ്റെടുക്കേണ്ടി വരും, കുടുംബ കാര്യങ്ങളിൽ കലഹങ്ങളിൽ നിന്നും ഒഴിഞ്ഞു നിൽക്കണം, രഹസ്യങ്ങൾ യാതൊരു കാരണവശാലും മറ്റുള്ളവരും ആയി പങ്കിടരുത്.

മകം: വാഹനങ്ങൾ മൂലം കഷ്ടപ്പാടുകളും ധനനാശവും, അനാവശ്യമായ ഇടപാടുകളിലൂടെ ചതി വഞ്ചന എന്നിവ വരാതെ സൂക്ഷിക്കുക, പ്രതികൂലമായ നക്ഷത്രങ്ങളിൽ ജനിച്ചവരുമായി രഹസ്യ ബന്ധങ്ങൾ കൂട്ട് കച്ചവടം തുടങ്ങിയവ പാടില്ല.

പൂരം: ദാമ്പത്യ കലഹം ഉണ്ടാകാതെ ശ്രദ്ധിക്കണം, സ്ഥലംമാറ്റത്തിന് സാദ്ധ്യത കൂടുതലാണ്, പുതിയ പദ്ധതികൾ തൽക്കാലം മാറ്റി വയ്ക്കുക, ധനനഷ്ടത്തിന് ഇടവരും, സന്താനങ്ങളുടെ ആവശ്യത്തിന് ധനം ചെലവഴിക്കേണ്ടി വരും.

ഉത്രം: ഉചിതമല്ലാത്ത ചിന്തകളും ആശയങ്ങളും പലവിധത്തിലുള്ള പ്രയാസങ്ങൾക്കും ഇടവരുത്തും, തൊഴിൽ രംഗത്ത് ഉയർച്ചയും സ്ഥാനമാനങ്ങളും വന്നു ചേരും, സ്നേഹബന്ധങ്ങൾ വിവാഹത്തിലെത്തിച്ചേരും.

അത്തം: ദാമ്പത്യ ബന്ധത്തിന് ദൃഢത വർദ്ധിക്കും, ആനുകൂല്യങ്ങൾ ലഭിക്കാൻ ഉള്ള തടസങ്ങൾ മാറും, അവിചാരിതമായ നേട്ടങ്ങൾ കൈവരിക്കും, സ്വകാര്യ മേഖലയിൽ ഉള്ളവർക്ക് നേട്ടങ്ങൾ.

ചിത്തിര: സന്താന യോഗം കാണുന്നു, വിദ്യാർത്ഥികൾക്കും ഉദ്യോഗാർത്ഥികൾക്കും ഗുണകരമായ ദിനം, വിദേശത്ത് നിന്നും ആദായം ലഭിക്കും, യാത്രകൾ ഗുണപ്രദമാകും.

ചോതി: വീട്ടമ്മമാർക്ക് ജോലി ഭാരം കുറയ്ക്കാൻ സഹായിക്കുന്ന രീതി സംജാതമാകും, പുതിയ സുഹൃത്തുക്കൾ വഴി നേട്ടങ്ങൾ ഉണ്ടാകും, വൈദ്യശാസ്ത്ര രംഗത്ത് പ്രവർത്തിക്കുന്നവർക്ക് നേട്ടം.

വിശാഖം: സ്വകാര്യ സ്ഥാപനത്തിൽ നിന്നോ വ്യക്തികളിൽ നിന്നോ നേട്ടങ്ങൾ, നീതീന്യായ വകുപ്പുകളിൽ ജോലി ചെയ്യുന്നവർക്ക് ജോലി തൃപ്തികരം ആയിരിക്കും, ഭൂമിയുടെ ക്രയ വിക്രയങ്ങളിൽ ലാഭം.

അനിഴം: ബാല്യകാലസഖിയെ കാണാൻ സാധിക്കും, ബന്ധുക്കളോട് സ്നേഹപൂർവ്വമായി പെരുമാറുന്നത് കാരണം ധനസഹായങ്ങൾ ഉണ്ടാകും, കടം കൊടുത്ത ധനം തിരികെ കിട്ടാൻ സാധ്യതയുണ്ട്.

കേട്ട: ഭൂമിയുടെ ഇടപാടുകളിൽ നിന്നും ഒഴിഞ്ഞു നിൽക്കണം, വാഹന യോഗം, ജീവിതത്തിൽ മുമ്പ് ഉണ്ടായിരുന്നതിനേക്കാൾ സമാധാനവും ശാന്തിയും കൈവരും, സഹോദരരുമായി നല്ല ബന്ധം സ്ഥാപിച്ചെടുക്കണം.

മൂലം: ധനത്തിന്റെ പോരായ്മകൾ കുറയും, കൃത്യനിഷ്ഠയും സത്യസന്ധതയും പ്രകടിപ്പിക്കും, വിരോധത്തിലായിരുന്ന ബന്ധുക്കൾ അനുകൂലരാകും, ഭോജനസുഖം ലഭിക്കും. ജീവിത പങ്കാളിയുടെ ഗൃഹത്തിൽ നിന്നും സഹായങ്ങൾ പ്രതീക്ഷിക്കാം.

പൂരാടം: ഗുണാനുഭവങ്ങൾക്ക് കുറവ് വരില്ല, ദൈവീക ചിന്ത വർദ്ധിപ്പിക്കാൻ ശ്രമിക്കണം, കഴിയും വിധം ക്ഷേത്ര ദർശനം നടത്തുകയും വേണം, കുടുംബസുഖം സ്ത്രീസുഖം എന്നിവ ഉണ്ടാകും, പഠിതാക്കൾ അശ്രദ്ധ കുറയ്ക്കണം.

ഉത്രാടം: വാഹനങ്ങൾ മൂലം കഷ്ടപ്പാടുകളും ധനനാശവും, ധനപരമായ ചെലവുകൾ നിയന്ത്രണാതീതമാകും, അധികം ജോലിഭാരം ശാരീരികമായി ക്ഷീണം വരുത്തി വയ്ക്കുംം ശത്രുക്കളെ കൊണ്ട് ഉള്ള ശല്യങ്ങൾ വർദ്ധിക്കും.

തിരുവോണം: കുടുംബാംഗങ്ങളുടെ രോഗങ്ങൾ മന:പ്രയാസങ്ങൾക്ക് ഇടയാക്കും, നിലവിൽ ഉള്ള തൊഴിൽ രംഗത്ത് കുഴപ്പങ്ങൾ ഉണ്ടാകും, ആരോഗ്യ സ്ഥിതി വഷളാകും, ഭൂമി തർക്കങ്ങളിൽ അനുകൂലമായ തീരുമാനം എടുക്കാൻ കാലതാമസം നേരിടും.

അവിട്ടം: ബന്ധുക്കളുടെ സഹായ സഹകരണങ്ങൾ കുറയും, വാഹനങ്ങൾ വളരെയധികം സൂക്ഷിച്ച് കൈകാര്യം ചെയ്യാൻ ശീലിക്കുക, പലയിടത്തും തരം താഴ്ത്തലിന് ഇടയുണ്ട്, അനാവശ്യ സംഗതികളിൽ ഇടപെടുന്ന ശീലം ഒഴിവാക്കുക.

ചതയം: സാമ്പത്തീക ഇടപാടുകളിൽ പ്രയാസങ്ങൾ വർദ്ധിക്കും, കമിതാക്കൾ പരസ്പരം കലഹിച്ചു പിരിയും, അടുത്ത് സഹകരിക്കുന്നവർ ചതിക്കും, ശരീര സുഖം കുറയും, കുടുംബാംഗങ്ങളുടെ രോഗങ്ങൾ മന:പ്രയാസങ്ങൾക്ക് ഇടയാക്കും.

പൂരുരുട്ടാതി: അബദ്ധം പറ്റി കൂടുതൽ ധനം നഷ്ടപ്പെടാൻ സാധ്യതയുണ്ട്, എതിർ ലിംഗത്തിൽ പെട്ടവരും ആയി ഇടപെടുന്നത് വളരെ നിയന്ത്രിക്കണം, ആപത്തുകളിൽ പെട്ട് നാണക്കേട് ഉണ്ടായേക്കാം, രഹസ്യങ്ങൾ ആരോടും പങ്ക് വയ്ക്കരുത്.

ഉത്രട്ടാതി: ഈശ്വര ചിന്തയും ഈശ്വരാധീനവും കുറയും, ആഗ്രഹങ്ങൾ സാധിച്ചു കിട്ടില്ല, ആവശ്യ സമയത്ത് പണത്തിന് ബുദ്ധിമുട്ടുണ്ടാകും, ബന്ധുക്കൾ ശത്രുക്കളെ പോലെ പെരുമാറാൻ തുടങ്ങും.

രേവതി: മകളുടെ വിവാഹത്തിന് കാലതാമസം നേരിടും, പ്രണയിതാക്കളിൽ പ്രണയ നൈരാശ്യം ഉടലെടുക്കും, വിഷാദം വരാതെ സൂക്ഷിക്കുക, രഹസ്യ ബന്ധങ്ങൾ പുറത്തറിയാതിരിക്കാൻ ശ്രദ്ധിക്കണം