ഹിന്ദു ആചാരപ്രകാരം വീട്ടിൽ സന്ധ്യസമയത്ത് വിളക്ക് കത്തിക്കുന്ന പതിവുണ്ട്. ഇന്നും ഇത് തുടരുന്നു. വീട്ടിൽ വിളക്ക് കത്തിക്കുമ്പോൾ പോസിറ്റീവ് എനർജി ലഭിക്കുമെന്നാണ് വിശ്വാസം. എന്നാൽ വിളക്ക് കൊളുത്തുന്നതുമായി ബന്ധപ്പെട്ട് നിരവധി വിശ്വാസങ്ങൾ നിലനിൽക്കുന്നുണ്ട്. അവ പാലിച്ചില്ലെങ്കിൽ ചിലപ്പോൾ അത് നെഗറ്റീവ് എനർജിയായിരിക്കും നൽകുക.

നാം പോലും അറിയാതെ വന്ന ശീലമാണ് വിളക്ക് കൊളുത്തിയ ശേഷം ബാക്കി വരുന്ന എണ്ണ തലയിൽ തേയ്ക്കുക എന്നത്. എന്നാൽ ഇത് ഒരിക്കലും ചെയ്യാൻ പാടില്ല. ഈ ശീലം കാരണം കുടുംബത്തിൽ കടം ഒഴിയില്ലെന്നാണ് വിശ്വാസം. അതുപോലെ വസ്ത്രത്തിലും തേയ്ക്കരുത്. വിളക്കിലെ എണ്ണ തുടയ്ക്കാൻ ഒരു തുണി പൂജാമുറിൽ തന്നെ സൂക്ഷിക്കുന്നതാണ് ഉത്തമം.

കുളിച്ച് ഈറൻ തോർത്തിയ തുണി തലയിൽ കെട്ടിയാണ് പലരും വിളക്ക് കൊളുത്തുന്നത്. എന്നാൽ ഈ ശീലവും നല്ലതല്ല. എപ്പോഴും കുറഞ്ഞത് രണ്ട് തിരിയെങ്കിലും ഇട്ട് വേണം വിളക്ക് കത്തിക്കാൻ. അഞ്ചുതിരിയിട്ട് ഭദ്രദീപം തെളിച്ചാൽ കുടുംബത്തിൽ ധനസമൃദ്ധിയും ഐശ്വര്യവും ഉറപ്പായും ഉണ്ടാകും. നാലു ദിക്കിലേക്കും കുബേരന്റെ വടക്ക് കിഴക്ക് ദിക്കിയിലേക്കും അഞ്ചുതിരിയിട്ട് ദീപം തെളിയിച്ചാൽ ഉത്തമമാണ്. കിഴക്കോട്ടും പടിഞ്ഞാറോട്ടും ദർശനമായി വിളക്ക് കൊളുത്താം. ഇത് ആരോഗ്യം, മനഃശാന്തി എന്നിവ നൽകും. കടം ഒഴിയുകയും ചെയ്യും.