പെരുമ്പാവൂർ: ഏഴ് ഗ്രാം ഹെറോയിനുമായി രണ്ട് അന്യ സംസ്ഥാനത്തൊഴിലാളികൾ പിടിയിൽ. ആസാം നൗഗാവ് സ്വദേശികളായ അമ്രാൻ ഹുസൈൻ (25), ഇക്ബാൽ അലി(27) എന്നിവരാണ് പെരുമ്പാവൂർ എ.എസ്.പി ശക്തി സിംഗിന്റെ നേതൃത്വത്തിലുള്ള പ്രത്യേക അന്വേഷണ സംഘം തണ്ടേക്കാട് വെട്ടിക്കാട്ട് കുന്ന് ഭാഗത്തുനിന്ന് പിടികൂടിയത്.

സ്‌കൂട്ടറിൽ കറങ്ങി നടന്നായിരുന്നു വില്പന. ആസാമിൽ നിന്ന് ട്രെയിൻ മാർഗം എത്തിക്കുന്ന ഹെറോയിൻ ചെറിയ ബോട്ടിലുകളിലാക്കി വില്പന നടത്തുകയായിരുന്നു. ഇൻസ്‌പെക്ടർ ടി.എം. സൂഫി, സബ് ഇൻസ്‌പെക്ടർമാരായ റിൻസ് എം. തോമസ്, പി.എം. റാസിഖ്, വി.എസ്. അരുൺ, എ.എസ്.ഐ പി.എ. അബ്ദുൽ മനാഫ്, സീനിയർ സി.പി.ഒമാരായ ടി.എ. അഫ്സൽ, വർഗീസ് ടി. വേണാട്ട്, ബെന്നി ഐസക്, എം.ബി. ജയന്തി, എംബി. നജ്മി എന്നിവരാണ് അന്വേഷണ സംഘത്തിലുണ്ടായിരുന്നത്.