ആലപ്പുഴ: മറയൂര്‍ പോലെ കേരളത്തില്‍ സാദ്ധ്യമായ സ്ഥലങ്ങളിലെല്ലാം ചന്ദനകൃഷി വ്യാപിപ്പിക്കാനുള്ള പദ്ധതിയുടെ പഠനം അവസാനഘട്ടത്തില്‍. കൃഷി വകുപ്പിന്റെ സഹകരണത്തോടെ വനം വകുപ്പാണ് നടപ്പാക്കുന്നത്.
ഇന്‍സ്?റ്റി?റ്റിയൂട്ട് ഒഫ് വുഡ് സയന്‍സ് ആന്‍ഡ് ടെക്നോളജിയുടെ സഹായത്തോടെ ബംഗളൂരു മല്ലേശ്വരത്തെ ഐ.സി. എഫ്.ആര്‍. ഇയിലെ പ്രിന്‍സിപ്പല്‍ ഇന്‍വെസ്റ്റിഗേറ്ററും സയന്റിസ്റ്റുമായ എസ്. ശരത്തിന്റെ നേതൃത്വത്തിലാണ് പഠനം പുരോഗമിക്കുന്നത്.
സ്വാഭാവിക ചന്ദനമരങ്ങളുടെ എണ്ണം ഗണ്യമായി കുറഞ്ഞ പശ്ചാത്തലത്തിലാണ് പദ്ധതി നടപ്പാക്കുന്നത്. ഇടവിള കൃഷിയും പ്രോത്സാഹിപ്പിക്കും.
കാലാവസ്ഥ പ്രശ്നമല്ല
കാലാവസ്ഥാസാഹചര്യങ്ങളുമായി പൊരുത്തപ്പെടുന്ന മരമാണ്ചന്ദനം.
കേരളത്തിലെ10 - 45 ഡിഗ്രി സെല്‍ഷ്യസ് ചൂടും വര്‍ഷത്തില്‍ 600-1500 മില്ലിമീ?റ്റര്‍ മഴയും കൂടുതല്‍ അനുകൂലം
ചുവന്ന ലാ?റ്ററൈ?റ്റിലും മണല്‍ കലര്‍ന്ന കളിമണ്ണിലും നന്നായി വളരും
തുവരപ്പരിപ്പ്,മുതിര,ഫീല്‍ഡ്ബീന്‍സ്,കൊഴുപ്പച്ചീര എന്നിവ ആദ്യഘട്ടത്തിലും ഗ്രാഫ്റ്റ് ചെയ്ത വാളന്‍പുളി,നെല്ലി, മാവ് എന്നിവ രണ്ടാം ഘട്ടത്തിലും ചന്ദനത്തിനൊപ്പം വളര്‍ത്താം
മുറിച്ചുകൊണ്ടുപോകും; വില വനംവകുപ്പ് തരും
നെഞ്ചുയരത്തില്‍ 50 സെന്റീ മീ?റ്ററോ, കൂടുതലോ ചുറ്റുവണ്ണമുള്ള ചന്ദനമരങ്ങള്‍ മുറിക്കാന്‍ ഡിവിഷണല്‍ ഫോറസ്?റ്റ് ഓഫീസര്‍മാര്‍ക്ക് അപേക്ഷ നല്‍കണം. അടിവേര് അടക്കം അവര്‍ മുറിച്ചുകൊണ്ടുപോകും. വാഹനച്ചെലവും
മറയൂരിലെ വനം ഡിപ്പോയില്‍ ചെത്തിയൊരുക്കുന്നതിനുള്ള ചെലവും വിലയില്‍നിന്ന് കുറച്ചശേഷം ബാക്കി തുക ഉടമയ്ക്ക് നല്‍കും.
കൂടുതല്‍ വനംഡിപ്പോകളെ ചന്ദനത്തിന്റെ ശേഖരണ കേന്ദ്രങ്ങളാക്കാനും മൂല്യത്തിന്റെ 50 ശതമാനമെങ്കിലും ഉടമകള്‍ക്ക് മുന്‍കൂറായി നല്‍കാനും 2024ല്‍ ബഡ്ജറ്റ് നിര്‍ദ്ദേശമുണ്ട്.
കാതല്‍ വിലയും വരുമാനവും
ഒരു കിലോ ..............................................................8,500 രൂപ
ഒരു മരത്തിലെ ശരാശരി കാതല്‍ 7 കി.ഗ്രാം.....59,500 രൂപ
ഒരു ഏക്കറില്‍ 144 മരം.......................................85,68,000രൂപ
കേരളത്തില്‍ അനുകൂല സാഹചര്യമാണുള്ളത്. പഠനം പൂര്‍ത്തിയായാലുടന്‍ ഡി.പി.ആര്‍ തയ്യാറാക്കാനുള്ള റിപ്പോര്‍ട്ട് നല്‍കും.
-എസ്. ശരത് , സയന്റിസ്റ്റ്