പത്തനംതിട്ട : ജില്ലാ സമ്മേളനത്തിന് മുന്നോടിയായി പത്തനംതിട്ട സി.പി.എമ്മിൽ ചേർന്നവരിൽ റൗഡി പട്ടികയിൽ പെട്ടയാളും ക്രിമിനൽ കേസ് പ്രതികളും. മലയാലപ്പുഴ സ്റ്റേഷനിലെ റൗഡി പട്ടികയിൽ ഉൾപ്പെട്ട വെട്ടൂർ സ്വദേശി സിദ്ധിഖ്, വിവിധ കേസുകളിലെ പ്രതികളായ പ്രമാടം സ്വദേശികൾ മാജിക് കണ്ണൻ, അരുൺ എന്നിവരാണ് സി.പി.എമ്മിൽ ചേർന്നത്.

പൊലീസുകാരനെ വീട്ടിലെത്തി ഭീഷണിപ്പെടുത്തിയതടക്കം നാല് കേസുകളിലെ പ്രതിയാണ് സിദ്ധിഖ്. വധശ്രമക്കേസിൽ ദിവസങ്ങൾക്ക് മുമ്പ് ജാമ്യം ലഭിച്ച് ജയിൽ മോചിതനായി പുറത്തിറങ്ങിയ ആളാണ് അരുൺ.

ജില്ലാ സമ്മേളനത്തിന് മുന്നോടിയായി 50 ൽ അധികം പേരാണ് ഇന്ന് പാർട്ടിയിൽ ചേർന്നത്. മാസങ്ങൾക്ക് മുൻപ് കാപ്പാ കേസ് പ്രതി അടക്കം പാർട്ടിയിൽ ചേർന്നത് വലിയ വിവാദമായിരുന്നു