പാലക്കാട്: പൊതുജനങ്ങളുടെ പരാതികൾ പരിഹരിക്കാൻ മന്ത്രിമാരുടെ നേതൃത്വത്തിൽ സംഘടിപ്പിക്കുന്ന 'കരുതലും കൈത്താങ്ങും' താലൂക്ക് തല അദാലത്ത് ജില്ലയിൽ ഡിസംബർ 20 മുതൽ ജനുവരി മൂന്ന് വരെ നടക്കും. 19 ന് നടക്കേണ്ടിയിരുന്ന പാലക്കാട് താലൂക്ക് അദാലത്ത് ജനുവരി മൂന്നിലേക്ക് മാറ്റി. മന്ത്രിമാരായ കെ.കൃഷ്ണൻ കുട്ടിയുടെയും എം.ബി.രാജേഷിന്റെയും നേതൃത്വത്തിലാണ് അദാലത്തുകൾ നടക്കുക. 20ന് ചിറ്റൂർ, 21ന് ആലത്തൂർ, 23ന് ഒറ്റപ്പാലം, 24ന് മണ്ണാർക്കാട്, 26ന് പട്ടാമ്പി, 27ന് അട്ടപ്പാടി, ജനുവരി മൂന്നിന് പാലക്കാട് എന്നിങ്ങനെയാണ് അദാലത്ത് ക്രമീകരിച്ചിരിക്കുന്നത്.