ചിറ്റൂർ: ആധുനിക സംവിധാനങ്ങൾ പ്രയോജനപ്പെടുത്തി പാലുൽപാദനം വർദ്ധിപ്പിക്കുകയാണ് ലക്ഷ്യമെന്നും ക്ഷീരകർഷകർക്കും പശുക്കൾക്കും ഉള്ള ഇൻഷ്വറൻസ് പദ്ധതികൾ വ്യാപകമാക്കുമെന്നും ക്ഷീര വികസന മന്ത്രി ജെ.ചിഞ്ചുറാണി പറഞ്ഞു. പ്ലാച്ചിമടയിലെ ഡോക്ടർ വർഗീസ് കുര്യൻ നഗറിൽ രണ്ടു ദിവസങ്ങളിലായി നടന്ന പാലക്കാട് ജില്ലാ ക്ഷീര കർഷക സംഗമത്തിന്റെ പൊതുസമ്മേളനം ഉദ്ഘാടനം ചെയ്യുകയായിരുന്നു മന്ത്രി. കന്നുകാലി ഇൻഷ്വറൻസ് പദ്ധതിക്കായി 8 കോടി രൂപ അനുവദിച്ചിട്ടുണ്ട്. പകുതി സബ്സിഡിയിൽ കന്നുകാലികൾക്കായുള്ള ഇൻഷ്വറൻസ് ലഭ്യമാക്കും. കേന്ദ്രത്തിന്റെ നിഷേധാത്മക സമീപനം കാരണം കേരളത്തിന്റെ പദ്ധതികൾ വെട്ടിക്കുറക്കേണ്ട സാഹചര്യമാണുള്ളത്. എന്നാൽ കന്നുകുട്ടി പരിപാലന പദ്ധതി തുക സംസ്ഥാനം വെട്ടി കുറയ്ക്കില്ല. ഈ വർഷം 22 കോടി രൂപയാണ് പദ്ധതിക്ക് അനുവദിച്ചത്. ത​ദ്ദേ​ശ​സ്ഥാ​പ​ന​ങ്ങ​ൾ​ ​വ​ഴി​ ​കൂ​ടു​ത​ൽ​ ​തു​ക​ ​അ​നു​വ​ദി​ക്കാ​നാ​ണ് ​ല​ക്ഷ്യം.​ ​കേ​ന്ദ്ര​ത്തി​ന്റെ​ ​നി​ഷേ​ധാ​ത്മ​ക​ ​സ​മീ​പ​നം​ ​കാ​ര​ണം​ ​സം​സ്ഥാ​നം​ ​ത​ന​ത് ​ഫ​ണ്ട് ​ഉ​പ​യോ​ഗി​ച്ച് ​കൂ​ടു​ത​ൽ​ ​പ്ര​വ​ർ​ത്ത​ന​ങ്ങ​ൾ​ ​ന​ട​ത്തേ​ണ്ട​ ​സ്ഥി​തി​യി​ലാ​ണ്.​ ​ക്ഷീ​ര​ ​ഗ്രാ​മം​ ​പ​ദ്ധ​തി​ക്ക് ​കൂ​ടു​ത​ൽ​ ​പ്രാ​ധാ​ന്യം​ ​ന​ൽ​കും.​ ​പ​ശു​ ​പ​രി​പാ​ല​ന​ത്തി​ന് ​ഫോ​ൺ​കോ​ളി​ലൂ​ടെ​ ​ഡോ​ക്ട​ർ​ ​വീ​ട്ടി​ലെ​ത്തു​ന്ന​ ​പ​ദ്ധ​തി​ ​കൂ​ടു​ത​ൽ​ ​വ്യാ​പ​ക​മാ​ക്കും.​ ​വ​യ​നാ​ട് ​പ്ര​ള​യ​ദു​ര​ന്ത​ത്തി​ൽ​ ​ബാ​ധി​ക്ക​പ്പെ​ട്ട​ ​ക്ഷീ​ര​ ​ക​ർ​ഷ​ക​ർ​ക്കാ​യി​ ​പാ​ല​ക്കാ​ട് ​ജി​ല്ല​യി​ലെ​ ​ക്ഷീ​ര​ ​ക​ർ​ക്ഷ​ക​ർ​ 753​ ​ചാ​ക്ക് ​കാ​ലി​ത്തീ​റ്റ​ ​എ​ത്തി​ച്ച​ത് ​മാ​തൃ​കാ​പ​ര​മാ​യ​ ​ന​ട​പ​ടി​യാ​ണ്. ​പാ​ൽ​ ​ഉ​ൽ​പാ​ദ​ന​ത്തി​ൽ​ ​മു​ൻ​പ​ന്തി​യി​ലാ​ണ് ​പാ​ല​ക്കാ​ട് എ​ങ്കി​ലും​ ​ഇ​നി​യും​ ​ജി​ല്ല​യി​ലെ​ ​പാ​ലു​ൽ​പാ​ദ​നം​ ​വ​ർ​ദ്ധി​പ്പി​ക്കാ​നു​ള്ള​ ​ന​ട​പ​ടി​ക​ളാ​ണ് ​സ്വീ​ക​രി​ക്കു​ന്ന​തെ​ന്നും​ ​മ​ന്ത്രി​ ​പ​റ​ഞ്ഞു. ക്ഷീരമേഖലയെ ദോഷകരമായി ബാധിക്കുന്ന വിദേശ കരാറുകളെ കുറിച്ച് ക്ഷീര കർഷകർ ബോധവാന്മാരാകണമെന്ന് ചടങ്ങിൽ അധ്യക്ഷത വഹിച്ച വൈദ്യുതിമന്ത്രി കെ.കൃഷ്ണൻകുട്ടി പറഞ്ഞു.