അദാലത്തുകളിൽ അതത് ദിവസം നേരിട്ടും പരാതികൾ സ്വീകരിക്കും
പാലക്കാട്: പൊതുജനങ്ങളുടെ പരാതികൾ പരിഹരിക്കാൻ പാലക്കാട് ജില്ലയിൽ മന്ത്രിമാരുടെ നേതൃത്വത്തിൽ സംഘടിപ്പിക്കുന്ന 'കരുതലും കൈത്താങ്ങും' താലൂക്ക് തല അദാലത്തുകൾക്ക് ഇന്ന് ആലത്തൂരിൽ തുടക്കമാവും. വൈദ്യുതി മന്ത്രി കെ.കൃഷ്ണൻ കുട്ടിയുടെയും തദ്ദേശ സ്വയംഭരണ മന്ത്രി എം.ബി രാജേഷിന്റെയും നേതൃത്വത്തിലാണ് അദാലത്തുകൾ നടക്കുക. ആലത്തൂർ ഹോളി ഫാമിലി കോൺവെന്റ് ഹൈസ്‌കൂളിൽ രാവിലെ 9.30ന് ആരംഭിക്കുന്ന അദാലത്തിൽ പൊതുജനങ്ങൾക്ക് നേരിട്ടും പരാതി നൽകാം.
പാലക്കാട് ജില്ലയിലെഅദാലത്തുകൾ(താലൂക്ക്, തീയതി, വേദി ക്രമത്തിൽ
ആലത്തൂർ, ഡിസംബർ 21- ആലത്തൂർ ഹോളി ഫാമിലി കോൺവെന്റ് ഹൈസ്‌കൂൾ
ഒറ്റപ്പാലം, ഡിസംബർ 23- യുണൈറ്റഡ് കൺവെൻഷൻ സെന്റർ, ലക്കിടി
മണ്ണാർക്കാട്, ഡിസംബർ 24-എം.ഇ.എസ് കല്ലടി കോളേജ്, മണ്ണാർക്കാട്
പട്ടാമ്പി, ഡിസംബർ 26- ചിത്ര ഓഡറ്റോറിയം, പട്ടാമ്പി
അട്ടപ്പാടി, ഡിസംബർ 27-കില ഓഡറ്റോറിയം, അഗളി
പാലക്കാട് , ജനുവരി മൂന്ന്-മുഹമ്മദ് ബാഗ് ഇവന്റ് സെന്റർ, പാലക്കാട്
ചിറ്റൂർ, ജനുവരി ആറ്-നെഹ്റു ഓഡറ്റോറിയം, ചിറ്റൂർ
അദാലത്തിൽ പരിഗണിക്കുന്ന വിഷയങ്ങൾ/പരാതികൾ
1. ഭൂമി(പോക്കുവരവ്, അതിർത്തി നിർണയം, അനധികൃത നിർമാണം, ഭൂമി കയ്യേറ്റം, അതിർത്തിത്തർക്കങ്ങൾ, വഴി തടസപ്പെടുത്തലും),
2. സർട്ടിഫിക്കറ്റുകൾ/ലൈസൻസുകൾ നൽകുന്നതിലെ കാലതാമസം/നിരസിക്കൽ,
3. കെട്ടിട നമ്പർ, നികുതി, വയോജന സംരക്ഷണം,
4. പട്ടിക ജാതി പട്ടിക വർഗ വിഭാഗങ്ങൾക്കുള്ള ആനുകൂല്യങ്ങൾ, മൽസ്യബന്ധന തൊഴിലാളികളുമായി ബന്ധപ്പെട്ടവ.
5. ശാരീരിക/ബുദ്ധി/മാനസിക വെല്ലുവിളി നേരിടുന്നവരുടെ പുനരധിവാസം, ധനസഹായം, പെൻഷൻ.
6. പരിസ്ഥിതി മലിനീകരണം/മാലിന്യ സംസ്‌കരണം, പൊതുജല സ്രോതസുകളുടെ സംരക്ഷണവും കുടിവെള്ളവും.
7. റേഷൻ കാർഡ് (എ.പി.എൽ/ബി.പി.എൽ, ചികിത്സാ ആവശ്യങ്ങൾക്ക്),
8. കാർഷിക വിളകളുടെ സംഭരണവും വിതരണവും, വിള ഇൻഷ്വറൻസ്, മറ്റ് വിഷയങ്ങൾ
9. വളർത്തുമൃഗങ്ങൾക്കുളള നഷ്ടപരിഹാരം/സഹായം
10. ഭക്ഷ്യസുരക്ഷയുമായി ബന്ധപ്പെട്ടവ, വ്യവസായ സംരംഭങ്ങൾക്കുളള അനുമതി
11. ആരോഗ്യമേഖലയിലെ സ്ഥാപനങ്ങളുമായി ബന്ധപ്പെട്ട വിഷയങ്ങൾ
12. വന്യജീവി ആക്രമണങ്ങളിൽ നിന്നുളള സംരക്ഷണം/നഷ്ടപരിഹാരം
13. വിവിധ സ്‌കോളർഷിപ്പുകൾ സംബന്ധിച്ചുളള പരാതികൾ /അപേക്ഷകൾ.
14. തണ്ണീർത്തട സംരക്ഷണം, അപകടകരങ്ങളായ മരങ്ങൾ മുറിച്ചുമാറ്റൽ.
15. എൻഡോസൾഫാൻ ദുരിതബാധിതരുടെ വിഷയങ്ങൾ, പ്രകൃതി ദുരന്തങ്ങൾക്കുളള നഷ്ടപരിഹാരം.