പാലക്കാട്: മന്ത്രിമാരായ കെ.കൃഷ്ണൻകുട്ടി, എം.ബി.രാജേഷ് എന്നിവരുടെ നേതൃത്വത്തിൽ ആലത്തൂർ ഹോളി ഫാമിലി കോൺവെന്റ് സ്‌കൂളിൽ നടന്ന ആലത്തൂർ താലൂക്ക് തല അദാലത്തിൽ ആകെ ലഭിച്ചത് 891 പരാതി. ലഭിച്ച പരാതികളിൽ 294 എണ്ണം ഇതിനകം പരിഹരിച്ചു. ഇതിൽ 454 പരാതി അദാലത്തിലേക്കായി നേരത്തെ ഓൺലൈനായും താലൂക്ക് ഓഫീസ്, അക്ഷയ കേന്ദ്രങ്ങൾ വഴി ലഭിച്ചതാണ്. 437 പരാതികളാണ് അദാലത്ത് നടന്ന ഹോളി ഫാമിലി സ്‌കൂളിൽ സജ്ജീകരിച്ച വിവിധ കൗണ്ടറുകളിലായി നേരിട്ട് ലഭിച്ചത്. തത്സമയം ലഭിച്ച പരാതികൾ പരിഹരിക്കുന്നതിനായി ജില്ലാ കളക്ടർ മുഖേന ബന്ധപ്പെട്ട വകുപ്പുകളിലേക്ക് കൈമാറും. ഉദ്യോഗസ്ഥ തലത്തിൽ പരിഹരിക്കാൻ പറ്റാത്ത പരാതികൾ സർക്കാരിന് കൈമാറും. 159 പരാതികൾ അദാലത്തിൽ പരിഗണിക്കേണ്ടതല്ലാത്ത വിഷയങ്ങളുമായി ബന്ധപ്പെട്ടതാണ്. ഈ പരാതികൾ നേരിട്ട് അതത് വകുപ്പുകളിലേക്കും കൈമാറും.