കൊടുമൺ: പ്ലാ​ന്റേ​ഷൻ കോർ​പ്പ​റേഷൻ കൊ​ടു​മൺ എ​സ്റ്റേറ്റിൽ ശു​ചി​ത്വ​മി​ഷൻ സാ​നി​റ്റേ​ഷൻ പ്ലാന്റ് സ്ഥാ​പി​ക്കാ​നു​ള്ള ന​ടപ​ടി ഉ​പേ​ക്ഷി​ക്ക​ണ​മെ​ന്ന് നാ​ട്ടുകാർ ആ​വ​ശ്യ​പ്പെട്ടു. കോന്നി, ക​ല​ഞ്ഞൂർ, ഇ​ള​മ​ണ്ണൂർ, കൊ​ടുമൺ, വ​ള്ളി​ക്കോ​ട് കോ​ട്ടയം, വ​കയാർ ​പ്ര​ദേ​ശ​ങ്ങ​ളു​ടെ ഇ​ട​യ്​ക്കു​ള്ള കു​ട്ടി​വ​ന​മാ​ണ് പിന്നീട് റ​ബർ എ​സ്റ്റേ​റ്റാ​യത്. ഈ കു​ട്ടി​വ​നത്തിൽ നി​ന്നു​ത്ഭ​വി​ക്കു​ന്ന നി​രവ​ധി അ​രു​വി​കളാണ് തോ​ടു​ക​ളാ​യി മാ​റിയത്. കു​ടി​വെ​ള്ള​ത്തിനും കൃ​ഷി​ക്കും നാട്ടുകാർ ഈ തോടുക​ളെ​യാ​ണ് ആ​ശ്ര​യി​ക്കു​ന്നത്. മാ​ലി​ന്യപ്ലാന്റ് സ്ഥാ​പി​ച്ചാൽ ചു​റ്റു​പാ​ടു​മു​ള്ള അ​രു​വി​ക​ളും കു​ള​ങ്ങളും കി​ണ​റു​ക​ളും മലിനമാകും. . മാ​ലി​ന്യ​പ്ലാ​ന്റ് സ്ഥാ​പി​ക്കാ​നു​ള്ള ന​ട​പ​ടിയിൽ നി​ന്ന് പി​ന്മാ​റി​യി​ല്ലെ​ങ്കിൽ സമരം ആരംഭിക്കുമെന്ന് ഐ. എൻ. ടി. യു. സി. ജില്ലാ സെ​ക്രട്ട​റി അ​ങ്ങാ​ടി​ക്കൽ വി​ജ​യ​കുമാർ പ​റഞ്ഞു. ആ​ദ്യഘ​ട്ടം എ​ന്ന നി​ലയിൽ ക​ള​ക്ട​റേ​റ്റ് മാർ​ച്ച് ന​ടത്താൻ ആ​ക്ഷൻ കൗൺ​സിൽ തീ​രു​മാ​നിച്ചു. പ​ഞ്ചായ​ത്ത് മെ​മ്പർ എ​സ്. പി. സജ​ന്റെ അ​ദ്ധ്യ​ക്ഷ​തയിൽ കൂ​ടിയ യോ​ഗത്തിൽ രേ​വ​മ്മ വി​ജയൻ, രാ​ജേ​ഷ് കോ​ട്ട​യ്​ക്ക​കത്ത്, നാ​ഗേ​ഷ് എൻ., ന​കുലൻ, മോന​ച്ചൻ മാ​വേ​ലിൽ, മി​നി വി​ജയൻ, അജി, പ്ര​സാദ്, കീർ​ത്തി എ​ന്നി​വർ സം​സാ​രിച്ചു.