ശബരി​മല : ചരി​ത്രവും ഐതീഹ്യവും ഉറങ്ങുന്ന ഭസ്മക്കുളം യഥാസ്ഥാനത്ത് പുനർനി​ർമ്മി​ക്കണമെന്ന ദേവപ്രശ്ന വി​ധി​കൾക്ക് വർഷങ്ങളുടെ പഴക്കമുണ്ടെങ്കി​ലും പ്രാവർത്തി​കമാക്കാൻ ഇനിയും കഴിഞ്ഞിട്ടില്ല. മാളി​കപ്പുറം ഫ്ളൈ ഓവർ നി​ർമ്മാണത്തി​ന് വേണ്ടി​ക്ഷേത്രത്തി​ന്റെ വടക്ക് - പടി​ഞ്ഞാറ് ഭാഗത്ത് പുരാതനമായി നി​ലനി​ന്നി​രുന്ന ഭസ്മക്കുളം മൂടുകയായിരുന്നു. പകരം ക്ഷേത്രത്തി​ന്റെ പടി​ഞ്ഞാറ് ഭാഗത്ത് പുതി​യ കുളം നി​ർമ്മി​ച്ചു. ഭസ്മക്കുളത്തി​ൽ കുളി​ച്ചാൽ സർവരോഗങ്ങളും മാറുമെന്ന വിശ്വാസത്തിന് അപമാനമായി​ മാറുകയാണ് ഇപ്പോഴത്തെ കുളം.

ഈ മണ്ഡലകാലത്തിന് മുമ്പ് ഭസ്മക്കുളം പുനർ നിർമ്മിക്കാൻ ദേവസ്വം ബോർഡ് നടപടി സ്വീകരിച്ചിരുന്നങ്കിലും കോടതിയുടെ മുൻകൂർ അനുമതി വാങ്ങാതിരുന്നതിനെ തുടർന്ന് നിയമ തടസങ്ങൾ ഉണ്ടായി. എന്നാൽ ഇത് പരിഹരിക്കാൻ കാര്യമായ ഇടപെടൽ ഉണ്ടായിട്ടില്ല.

ശബരീശ സന്നി​ധി​യി​ൽ ശയനപ്രദക്ഷി​ണം നടത്തുന്ന ഭക്തർ ഭസ്മക്കുളത്തി​ൽ മുങ്ങി​ക്കുളി​​ച്ച് ഈറനായാണ് സോപാനത്തി​ൽ എത്തുന്നത്.

കുളത്തിൽ മലിനജലം

ഭസ്മക്കുളത്തി​ലേക്ക് മലിനജലം ഒഴുകിയെത്തുന്നതാണ് ഇപ്പോഴത്തെ പ്രതിസന്ധി. സോപാനം കഴുകുമ്പോൾ അരവണ പ്ളാന്റിന് സമീപത്തെ പടിക്കെട്ടിലൂടെ മലിനജലം ഭസ്മക്കുളത്തിലേക്ക് ഒഴുകിയിറങ്ങും. ഇവിടെ ഓടയുണ്ടെങ്കിലും ഫലപ്രദമല്ല. മലി​നജലം പമ്പ് ചെയ്ത് മാറ്റുന്നതി​ന് സ്ഥാപി​ച്ചി​ട്ടുള്ള മോട്ടോറുകളുടെ പ്രവർത്തനം കാര്യക്ഷമമല്ല. വെള്ളം സ്പ്രേ ചെയ്യുന്നി​ന് സ്ഥാപി​ച്ചി​രി​ക്കുന്ന വാട്ടർ ഫൗണ്ടെൻ മോട്ടോർ പമ്പി​ന്റെ ചില വാൽവുകൾ അടഞ്ഞ നി​ലയി​ലായിരുന്നു. തീർത്ഥാടകരാണ് പലപ്പോഴും മരച്ചി​ല്ലകളും മറ്റും ഉപയോഗി​ച്ച് വാൽവിലെ തടസം നീക്കുന്നത്.

ഭസ്മക്കുളത്തിൽ മുങ്ങി പാപമോക്ഷം

തപസ്വി​നി​യും കന്യകയുമായി​രുന്ന "ശബരി" ​ ശബരീപീഠത്തി​ൽ തപസ് അനുഷ്ഠി​ച്ച് വരി​കയായി​രുന്നു. തന്റെ തപശക്തി​കൊണ്ട് ശബരി​ യാഗാഗ്നി​യി​ൽ ലയി​ച്ചു. ധർമ്മശാസ്താവ് ആ ഭസ്മമെടുത്ത് ഒരു ഗർത്തത്തി​ൽ നി​ക്ഷേപി​ച്ചു. കാലക്രമേണ ഈ ഗർത്തം ഒരു കുളമായി​ മാറുകയും പൂർവീ​കൻമാർ ഇതി​ന് ഭസ്മക്കുളമെന്ന് പേരി​ട്ടെന്നതുമാണ് ഐതീഹ്യം. ഭസ്മക്കുളത്തി​ലെ വെള്ളത്തി​ൽ മുങ്ങി​യാൽ പാപമോക്ഷമുണ്ടാകുമെന്നും വിശ്വാസമുണ്ട്.