പത്തനംതിട്ട : നഗരത്തിലെ അശാസ്ത്രീയമായ ടാറിംഗ് അപകടങ്ങൾക്ക് കാരണമാകുന്നതായും വശങ്ങളിലെ കട്ടിംഗുകൾ ഒഴിവാക്കി അപകടരഹിതമാക്കണമെന്നും പത്തനംതിട്ട മർച്ചന്റ് സഹകരണ ബാങ്ക് പ്രസിഡന്റും ഡി.സി.സി ജനറൽ സെക്രട്ടറിയുമാ​യ എസ്.വി.പ്രസന്നകുമാർ ആവശ്യപ്പെട്ടു.

നഗരത്തിലെ റോഡ് ടാർ ചെയ്തപ്പോൾ റോഡിന്റെ ഉയരം വർദ്ധിപ്പിക്കുകയും രണ്ടു സൈഡിലും വലിയ കുഴിയായി മാറുകയും ചെയ്തതിനാൽ ദിവസവും നിരവധി യാത്രക്കാർ അപകടത്തിൽപ്പെട്ടുന്നുണ്ട്. സ്ത്രീകളാണ് അപകടത്തിൽപ്പെടുന്നതിൽ ഏറെയും. വാഹനങ്ങൾക്ക് സൈഡു കൊടുക്കുമ്പോൾ കട്ടിംഗിലേക്ക് വാഹനം ചരിഞ്ഞും അപകടസാദ്ധ്യതയേറെയാണ്.