ശബരിമല : കാനനപാതയിലൂടെ എത്തുന്ന തീർത്ഥാടകർക്ക് ദർശനത്തിന് പ്രത്യേക പാസ് നൽകാൻ തീരുമാനമായി. എരുമേലി മുതൽ പമ്പ വരെ 30 കിലോമീറ്റർ കാനനപാതയിലൂടെ വരുന്നവർക്കാണ് പാസ് നൽകുക. മുക്കുഴിയിൽ നിന്ന് ലഭിക്കുന്ന എൻട്രി പാസ്സുമായി പുതുശ്ശേരി താവളത്തിൽ നിന്ന് സീൽ വാങ്ങി തുടർന്ന് വലിയാനവട്ടം താവളത്തിൽ നിന്ന് എക്‌സിറ്റ് സീൽ വാങ്ങി മരക്കൂട്ടത്ത് എത്തുന്ന ഭക്തരെ ക്യൂ നിൽക്കാതെ ദർശനം അനുവദിക്കുന്നതിന് വേണ്ടിയാണ് പാസ് ഏർപ്പെടുത്തിയത്. ജില്ലാ ഭരണകൂടത്തിന്റെയും ദേവസ്വം ബോർഡിന്റയും നിർദ്ദേശാനുസരണം പൊലീസും വനംവകുപ്പും യോജിച്ചാണ് പാസ് നൽകുന്നത്. ഇന്ന് രാവിലെ 7ന് മുക്കുഴിയിൽ നടക്കുന്ന ചടങ്ങിൽ ശബരിമല അഡീഷണൽ ഡിസ്ട്രിക്ട് മജിസ്‌ട്രേറ്റ് ഡോക്ടർ അരുൺ എസ്.നായർ തീർത്ഥാടകർക്ക് പാസ് നൽകി ഉദ്ഘാടനം ചെയ്യും. പെരിയാർ വെസ്റ്റ് ഡെപ്യൂട്ടി ഡയറക്ടർ സന്ദീപ്.എസ് പങ്കെടുക്കും.

സ​ന്നി​ധാ​ന​ത്ത് ​ചാ​റ്റ​ൽ​മ​ഴ
ശ​ബ​രി​മ​ല​ ​:​ ​സ​ന്നി​​​ധാ​ന​ത്ത് ​ഇ​ന്ന​ലെ​ ​വൈ​കി​ട്ട് ​പെ​യ്ത​ ​ചാ​റ്റ​ൽ​മ​ഴ​ ​തീ​ർ​ത്ഥാ​ട​ക​രെ​ ​ബു​ദ്ധി​മു​ട്ടി​ലാ​ക്കി.​ ​മ​ഴ​ ​ന​ന​ഞ്ഞും​ ​അ​യ്യ​പ്പ​ ​ദ​ർ​ശ​ന​ത്തി​​​ന് ​കാ​ത്തു​നി​ന്ന​ത് ​ആ​യി​ര​ക്ക​ണ​ക്കി​ന് ​തീ​ർ​ത്ഥാ​ട​ക​രാ​ണ്.​ ​ശ​ക്ത​മാ​യ​ ​തി​ര​ക്കാ​ണ് ​സ​ന്നി​ധാ​ന​ത്ത് ​അ​നു​ഭ​വ​പ്പെ​ടു​ന്ന​ത്.​ ​രാ​ത്രി​ 9​ ​വ​രെ​ 76,964​ ​പേ​ർ​ ​ദ​ർ​ശ​നം​ ​ന​ട​ത്തി.​ ​​ ​ഇ​ന്ന​ലെ​ ​വൈ​കി​ട്ട് ​ഇ​ടി​മി​ന്ന​ലോ​ടു​കൂ​ടി​യ​ ​മ​ഴ​ ​മു​ന്ന​റി​യി​പ്പ് ​ന​ൽ​കി​യി​രു​ന്നു.