തിരുവല്ല : സ്ത്രീകളുടെ ആരോഗ്യ സംരക്ഷണത്തിന് പ്രാധാന്യം നൽകി പുളിക്കീഴ് ബ്ലോക്ക് പഞ്ചായത്ത് പദ്ധതിയുടെ ഭാഗമായി ചാത്തങ്കരി സാമൂഹികാരോഗ്യ കേന്ദ്രത്തിൽ സ്ത്രീജന്യ രോഗ നിർണയ ക്യാമ്പ് നടത്തി. ബ്ലോക്ക് പഞ്ചായത്ത് പ്രസിഡന്റ് അഡ്വ.വിജി നൈനാന്റെ അദ്ധ്യക്ഷതയിൽ ചേർന്ന യോഗത്തിൽ മാത്യു ടി​.തോമസ് എം.എൽ.എ ക്യാമ്പ് ഉദ്ഘാടനം ചെയ്തു. ബ്ലോക്ക് വൈസ് പ്രസിഡന്റ് ബിനിൽ കുമാർ, വികസനകാര്യസമിതി അദ്ധ്യക്ഷ മറിയാമ്മ അബ്രഹാം, അനീഷ് എം.ബി, അനു സി.കെ, അരുന്ധതി അശോക്, ഗ്രാമപഞ്ചായത്തംഗം ചന്ദ്രു എസ്.കുമാർ, ശാന്തമ്മ ആർ.നായർ, ഡോ.ഡോണ, ഡോ.ശാലിനി എന്നിവർ സംസാരിച്ചു.