തിരുവല്ല : ഡോ.ബി.ആർ.അംബേദ്ക്കറെ ആക്ഷേപിച്ച കേന്ദ്ര ആഭ്യന്തരവകുപ്പ് മന്ത്രി അമിത് ഷാ രാജിവയ്ക്കണമെന്ന് ആവശ്യപെട്ട് കേരള മഹിളാസംഘം ജില്ലാ കമ്മിറ്റിയുടെ നേതൃത്വത്തിൽ ടൗണിൽ പ്രതിഷേധ പ്രകടനവും ധർണയും സംഘടിപ്പിച്ചു. കേരള മഹിളാസംഘം സംസ്ഥാന സെക്രട്ടറി ഇ.എസ് ബിജിമോൾ ഉദ്ഘാടനം ചെയ്തു. മണ്ഡലം പ്രസിഡന്റ് ഷീജ ജോർജ് അദ്ധ്യക്ഷത വഹിച്ചു. സംസ്ഥാന ജോ.സെക്രട്ടറി വിജയമ്മ ലാലി, ജില്ലാസെക്രട്ടറി വിജയമ്മ ഭാസ്കരൻ, ജില്ലാ പ്രസിഡന്റ് പത്മിനിയമ്മ ജില്ലാ കമ്മിറ്റി അംഗങ്ങളായ അനു സി.കെ, മിനി മോഹൻ, ലത സോണി എന്നിവർ പ്രസംഗിച്ചു.