മല്ലപ്പള്ളി: നിയന്ത്രണംവിട്ട ബൈക്ക് പാലത്തിന്റെ കൈവരിയിലിടിച്ച് യാത്രക്കാരനായ പെരുമ്പെട്ടി പടിഞ്ഞാറെമൂലത്തറയിൽ വീട്ടിൽ എം.എസ് . ഗിരീഷ് ( 51) മരിച്ചു.. 24 ന് രാത്രി 11.20 ന് പൂവനക്കടവ് - ചെറുകോൽപ്പുഴ റോഡിൽ ചാലാപ്പള്ളിക്ക് സമീപം കുടക്കല്ലുങ്കൽ പാലത്തിലായിരുന്നു അപകടം. മല്ലപ്പള്ളിയിലെ സ്വകാര്യ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. മല്ലപ്പള്ളി എച്ച്.ഡി.എഫ്.സി ബാങ്ക് ജീവനക്കാരനും പെരുമ്പെട്ടി ക്ഷേത്ര ദേവസ്വം സെക്രട്ടറിയുമാണ്. സംസ്കാരം നടത്തി. ഭാര്യ: രമ്യ. മക്കൾ: ഗ്രീഷ്മ, ഭവ്യ .