കൊല്ലം: കൊട്ടിയം നിത്യസഹായ മാതാ ഗേൾസ് ഹൈസ്കൂളിൽ ജില്ലാ ലീഗൽ സർവീസസ് അതോറിട്ടിയും കൊട്ടിയം പൗരവേദിയും സംയുക്തമായി സംഘടിപ്പിച്ച 'റീ കണക്ടിംഗ് യൂത്ത്' ക്യാമ്പയിൻ കൊല്ലം സ്പെഷ്യൽ ബ്രാഞ്ച് എ.സി.പി എ പ്രദീപ്കുമാർ ഉദ്ഘാടനം ചെയ്തു. കുട്ടികൾ വഴി തെറ്റുന്നതിൽ നിന്ന് ഒരു വിഭാഗം രക്ഷിതാക്കൾക്ക് ഒഴിഞ്ഞു മാറാൻ കഴിയില്ലെന്ന് അദ്ദേഹം പറഞ്ഞു.
പൗരവേദി പ്രസിഡന്റ് അഡ്വ. കൊട്ടിയം എൻ.അജിത്കുമാർ, സെക്രട്ടറി സാജൻ കവറാട്ടിൽ, ജോസഫ് സ്റ്റാൻസിലാവോസ്, സി.പി. സുരേഷ്‌കുമാർ, ക്ലമന്റ് ലോറൻസ്, ജയകുമാരി, സിനി ആനന്ദ് എന്നിവർ സംസാരിച്ചു. ജില്ലാ ലീഗൽ സർവീസസ് അതോറിട്ടി പാനൽ അഭിഭാഷകൻവി.എ. രാഹുൽ, കൊല്ലം സൈബർ പൊലീസ് സ്റ്റേഷൻ സബ് ഇൻസ്‌പെക്ടർ എ. നിയാസ് എന്നിവർ പോക്സോ, മോട്ടോർ വാഹന, സൈബർ നിയമങ്ങൾ സംബന്ധിച്ച ക്ലാസ് നയിച്ചു. കഴിഞ്ഞ ദിവസം ശ്രീനാരായണ ട്രസ്റ്റ്‌ പ്രൈവറ്റ് ഐ.ടി.ഐയിൽ നടന്ന ക്യാമ്പയിനിൽ വി.ഐ. രാഹുൽ, ചാത്തന്നൂർ അസി എക്‌സൈസ് ഇൻസ്‌പെക്ടർ എസ്. അനിൽകുമാർ എന്നിവർ ക്ലാസ് നയിച്ചു. ഐ.ടി.ഐ യിലെ ക്യാമ്പയിന് പ്രിൻസിപ്പൽ കനകജ, പൗരവേദി ഭാരവാഹികളായ ജോൺ മോത്ത, രാജു നന്ദനം, പ്രശാന്ത്, രാജേഷ് എന്നിവർ നേതൃത്വം നൽകി.