കൊട്ടിയം: എസ്.എസ് സമിതിയി​ലെ അന്തേവാസി​ കപിൽദേവി​നെ (25) കൂട്ടിക്കൊണ്ടുപോകാനായി സഹോദരൻ സുശാന്ത് ഷെട്ടി ബന്ധുവായ സുരേന്ദ്ര ഷെട്ടിയോടൊപ്പം അഭയകേന്ദ്രത്തിലെത്തി.

കൊട്ടിയം മയ്യനാട് റോഡിൽ കണ്ടച്ചിറ മുക്കിന് സമീപം വൃത്തിഹീനമായ നിലയിൽ അലഞ്ഞ് തിരിഞ്ഞ് നടന്നിരുന്ന കപിൽദേവിനെ എസ്.എസ് സമിതി അഭയകേന്ദ്രം ജീവനക്കാരനായ രതീഷാണ് കഴി​ഞ്ഞ ഒക്ടോബർ 10ന് കൂട്ടി​ക്കൊണ്ടുവന്നത്. മാനസിക നി​ലയി​ൽ വ്യതി​ചലനം ഉണ്ടാായി​രുന്നതി​നാൽ കൊല്ലം ജില്ലാ ആശുപത്രിയിലും തിരുവനന്തപുരം മാനസിക ആരോഗ്യ കേന്ദ്രത്തിലും ചി​കി​ത്സ നൽകി​. തുടർന്ന് രോഗാവസ്ഥയിൽ കുറവുണ്ടാവുകയും സ്വന്തം നാടിനെ കുറിച്ചും വീട്ടുകാരെ കുറിച്ചുമുള്ള വിവരങ്ങൾ കൈമാറുകയും ചെയ്തു. ഒഡീഷയിലെ ബദ്രക് എന്ന ഗ്രാമത്തിലെ ബഗ്രിദ് ഷെട്ടിയുടെയും കനക ലതയുടെയും മൂന്നു ആൺമക്കളിൽ മൂത്തയാളാണ് കപിൽദേവ്. ഹൈദരാബാദിൽ പെയിന്റിംഗ് ജോലി ചെയ്യുന്നതി​നി​ടെ, പെട്ടെന്നുണ്ടായ മാനസിക വിഭ്രാന്തിമൂലം കേരളത്തിലെത്തുകയായി​രുന്നു. പ്രോജക്ട് കോ ഓർഡിനേറ്റർ ക്രിസ്റ്റഫർ ജി.ഫെർണാണ്ടസിന്റെയും മറ്റ് ജീവനക്കാരുടെയും സാന്നിദ്ധ്യത്തിൽ കപിൽദേവിനെ സുശാന്ത് ഷെട്ടിക്ക് കൈമാറി​.