കൊല്ലം: കടയി​ൽ നി​ന്ന് സാധനങ്ങൾ വാങ്ങി​ മടങ്ങുകയായി​രുന്ന എട്ട് വയസുകാരിയെ വീട്ടി​ലെത്തി​ച്ച് പീഡി​പ്പി​ച്ച കേസി​ൽ കൊറ്റംകര പേരൂർ തെറ്റിച്ചിറ പുത്തൻ വീട്ടിൽ നൗഷാദി​നെ (54) കിളികൊല്ലൂർ പൊലീസ് അറസ്റ്റ് ചെയ്തു. വീട്ടിലെത്തിയ പെൺകുട്ടി അസ്വസ്ഥത പ്രകടിപ്പിച്ചതി​നെത്തുടർന്ന് വിവരങ്ങൾ ചോദി​ച്ചറി​ഞ്ഞ രക്ഷാകർത്താക്കൾ പൊലീസിൽ പരാതി നൽകുകയായിരുന്നു. തുടർന്ന് പോക്സോ നിയമപ്രകാരം കേസെടുത്ത് അറസ്റ്റ് ചെയ്യുകയായിരുന്നു. കിളികൊല്ലൂർ പൊലീസ് ഇൻസ്പെക്ടർ ഉമറുൾ ഫറൂഖിന്റെ നേതൃത്വത്തിൽ എസ്.ഐമാരായ ശ്രീജിത്ത്, സന്തോഷ്, സി.പി.ഒമാരായ ബിജീഷ്, സാജ്, അശോക് ചന്ദ്രൻ, ജീനാമോൽ എന്നിവരടങ്ങിയ സംഘമാണ് പ്രതിയെ പിടികൂടിയത്.