തഴവ: തഴവ ഗ്രാമപഞ്ചായത്ത് കടത്തൂർ ജനകീയ ആരോഗ്യ കേന്ദ്രത്തിന്റെ ഉദ്ഘാടനം സി.ആർ.മഹേഷ് എം.എൽ. എ നിർവഹിച്ചു. ഗ്രാമ പഞ്ചായത്ത് പ്രസിഡന്റ് എസ്.സദാശിവൻ അദ്ധ്യക്ഷനായി. വൈസ് പ്രസിഡന്റ് ആർ.ശൈലജ , വികസനകാര്യ സ്റ്റാൻഡിംഗ് കമ്മിറ്റി ചെയർമാൻ ആ.അമ്പിളിക്കുട്ടൻ, ക്ഷേമകാര്യ സ്റ്റാൻഡിംഗ് കമ്മിറ്റി ചെയർപേഴ്സൺ മിനിമണികണ്ഠൻ, ആരോഗ്യ സ്റ്റാൻഡിംഗ് കമ്മിറ്റി ചെയർമാൻ ബി.ബിജു, ബ്ലോക്ക് പഞ്ചായത്ത് അംഗങ്ങളായ മധു മാവോലിൽ, ശ്രീലത, റാഷിദ് എ.വാഹിദ്, ജില്ല മെഡിക്കൽ ഓഫീസർ ഡോ.അനിത, ജില്ലാ പ്രോഗ്രാം മാനേജർ ദേവ് കിരൺ, മെഡിക്കൽ ഓഫീസർ ഡോ.സബർബ സത്താർ ലോട്ടസ്, ഗ്രാമ പഞ്ചായത്ത് അംഗം നിസ പഞ്ചായത്ത് സെക്രട്ടറി റുബീന എന്നിവർ സംസാരിച്ചു. 26ലക്ഷം രൂപ ചെലവിൽ പഞ്ചായത്ത് ഫണ്ട്‌ ഉപയോഗിച്ചാണ് ആരോഗ്യ കേന്ദ്രത്തിന് പുതിയ കെട്ടിടം നിർമ്മിച്ചത്.