കൊല്ലം : കുടിക്കോട് ശ്രീ ഗുരുദേവ സെൻട്രൽ സ്കൂളിന്റെ വാർഷിക കായിക മേള കൊല്ലം ഡെപ്യുട്ടി എക്സൈസ് കമ്മിഷണർ വൈ.ഷിബു ഉദ്ഘാടനം ചെയ്തു. ചെയർമാൻ പി.സുന്ദരൻ സ്വാഗതം പറഞ്ഞു. വർണാഭമായ സ്പോർട്സ് ഡിസ്പ്ളേ , യോഗ -കരാട്ടെ -സ്കേറ്റിംഗ് പ്രകടനങ്ങൾ, ദീപശിഖ റാലി എന്നിവ ചടങ്ങിന് മിഴിവേകി. ചടങ്ങിൽ ട്രിച്ചി നാഷണൽ കോളേജിൽ നടന്ന ഇന്റർസ്‌കൂൾ തമിഴ്‌നാട് റോബോട്ടിക് ലീഗ് 2024ൽ പങ്കെടുത്ത് സമ്മാനം കരസ്ഥമാക്കിയ യുവപ്രതിഭകളായ ഇഷാനി എസ്.പിള്ളയ്ക്കും ബി.അനാമികയ്ക്കും ചടങ്ങിൽ വിശിഷ്ടാതിഥി സർട്ടിഫിക്കറ്റ് വിതരണം ചെയ്തു. കോയമ്പത്തൂർ പി.പി.ജി ഇൻസ്റ്റിറ്റ്യൂട്ട് ഒഫ് ടെക്‌നോളജിയിൽ റോബോമാറ്റിക് നടത്തിയ യൂണിവേഴ്‌സൽ റോബോ ലീഗിൽ മാതൃകാപരമായ പ്രകടനങ്ങൾ പ്രദർശിപ്പിച്ച് അവാർഡുകൾ നേടിയ എസ്. സൂര്യ നാരായണൻ, പി.എസ്.വിഷ്ണു, യു.ആദിൽ എന്നീ വിദ്യാർത്ഥികൾക്കുള്ള അവാർഡുകളും വിതരണം ചെയ്തു.