കൊല്ലം: പാരിപ്പള്ളി യു.കെ.എഫ് എൻജിനിയറിംഗ് കോളേജിൽ സ്‌കൂൾ വിദ്യാർത്ഥികൾക്കായി സംഘടിപ്പിച്ച ഇന്റർ സ്‌കൂൾ ടെക്‌നിക്കൽ ഫെസ്റ്റ് 'ഇഗ്‌നിട്ര 2024' ന്റെ ഉദ്ഘാടനം യു.കെ.എഫ് ഡയറക്ടർ അമൃത പ്രശോബ്, ട്രൈഡൻ ടെക് ഓട്ടോമോട്ടീവ് ഡിവിഷൻ ഹെഡ് എസ്.കിരൺലാൽ എന്നിവർ ചേർന്ന് നിർവഹിച്ചു. കോളേജ് പ്രിൻസിപ്പൽ ഡോ. ജയരാജു മാധവൻ അദ്ധ്യക്ഷനായി. ഇഗ്‌നിട്ര ഇന്റർസ്‌കൂൾ എക്‌സിബിഷൻ ഉദ്ഘാടനം കോളേജ് എക്‌സി. ഡയറക്ടർ പ്രൊഫ. ജിബി വർഗീസ് നിർവഹിച്ചു.
ജില്ലയിലെ വിവിധ സ്‌കൂളുകളിലെ 28 ടീമുകൾ പങ്കെടുത്തു. യു.കെ.എഫ് സോക്കർ കപ്പ് ഇന്റർ സ്‌കൂൾ ഫുട്‌ബാൾ മത്സരത്തിൽ ചാത്തന്നൂർ എൻ.എസ്.എസ് ഹയർ സെക്കൻഡറി സ്‌കൂൾ ജേതാക്കളായി. കണ്ണനല്ലൂർ എം.കെ.എൽ.എം എച്ച്.എസ്, അഞ്ചുതെങ്ങ് സെന്റ് ജോസഫ് എച്ച്.എസ്.എസ് രണ്ടും മൂന്നും സ്ഥാനങ്ങൾ നേടി.
വർക്കിംഗ് മോഡൽ മത്സരത്തിൽ കൊട്ടിയം എൻ.എസ്.എം.ജി എച്ച്.എസ് ഒന്നാം സ്ഥാനവും ടി കെ എം സെന്റിനറി പബ്ലിക് സ്‌കൂൾ, എം.ജി.എം മോഡൽ സ്‌കൂൾ വർക്കല രണ്ടും ജവഹർ പബ്ലിക് സ്‌കൂൾ, ജി.എച്ച്.എസ്.എസ് ആറ്റിങ്ങൽ മൂന്നും സ്ഥാനങ്ങൾ നേടി. സ്റ്റിൽ മോഡൽ അവതരണത്തിൽ വർക്കല എം.ജി.എം മോഡൽ സ്‌കൂൾ ഒന്നും, കരുനാഗപ്പള്ളി ജോൺ എഫ് കെന്നടി മെമ്മോറിയൽ വി.എച്ച്.എസ്.എസ് രണ്ടും വർക്കല എം.ജി.എം മോഡൽ സ്‌കൂൾ മൂന്നും സ്ഥാനങ്ങൾ നേടി.
ചിത്രരചന, ജലച്ചായം ഹൈസ്‌കൂൾ വിഭാഗം മത്സരത്തിൽ അനന്യ.എസ്.സുഭാഷ് (വിമല ഹൃദയ ഗേൾസ് ഹയർ സെക്കൻഡറി സ്‌കൂൾ, കൊല്ലം) ഒന്നും, ജെ.എസ്.ഗൗതം (വിമല സെൻട്രൽ സ്‌കൂൾ), എസ്.ശ്രീദാ ദത്ത് (സെന്റ് ജോസഫ് കോൺവെന്റ് ഗേൾസ് എച്ച്.എസ്.എസ്, കൊല്ലം) രണ്ടും ആർ.എസ്.ഭദ്ര (ജി.വി എച്ച്.എസ്.എസ് ആറ്റിങ്ങൽ), എസ്.ശ്രേയ ദത്ത് (സെന്റ് ജോസഫ് കോൺവെന്റ് ഗേൾസ് എച്ച്.എസ്.എസ്, കൊല്ലം) മൂന്നും സ്ഥാനങ്ങൾ നേടി.
ഹയർ സെക്കൻഡറി വിഭാഗത്തിൽ എസ്.സ്‌നേഹ (ജി.എച്ച്.എസ്.എസ്, പൂതക്കുളം) ഒന്നും ഹൃദിൻ പ്രമോദ് (ജോൺ എഫ് കെന്നടി മെമ്മോറിയൽ വി.എച്ച്.എസ്.എസ്, കരുനാഗപ്പള്ളി) രണ്ടും വി.ജാൻ ലിജിൻ (ജി.എച്ച്.എസ്.എസ്, നെടുങ്ങോലം), എ.ശിവന്യ (എസ്.എൻ.വി എച്ച്.എസ്.എസ്, പനയറ) മൂന്നും സ്ഥാനങ്ങൾ നേടി.
ഇഗ്‌നിട്ര 2024 ന്റെ ഭാഗമായി ഇന്റർ സ്‌കൂൾ ഇന്നവേഷൻ സ്റ്റുഡന്റ്‌സ് കോൺക്ലേവ്, റോബോട്ട് മത്സരം എന്നിവ സംഘടിപ്പിക്കുമെന്ന് കോളേജ് ഡയറക്ടർ അമൃത പ്രക്ഷോബ് പറഞ്ഞു. കോളേജ് വൈസ് പ്രിൻസിപ്പൽ ഡോ. വി.എൻ.അനീഷ്, ഡീൻ അക്കാഡമിക് ഡോ. രശ്മി കൃഷ്ണ പ്രസാദ്, പോളിടെക്‌നിക് വൈസ് പ്രിൻസിപ്പൽ പ്രൊഫ. ജിതിൻ ജേക്കബ്, പി.ടി.എ പാട്രൺ എ.സുന്ദരേശൻ, അസി. പ്രൊഫസർമാരായ അഖിൽ.ജെ.ബാബു, ആർ.രാഹുൽ, ബി.വിഷ്ണു, ടി.രഞ്ജിത്ത്, ശരത്ദാസ്, എസ്.ശ്രീരാജ്, ഇഗ്‌നിട്ര പ്രോഗ്രാം കോ ഓർഡിനേറ്റർ അജിത്ത് മോഹൻ എന്നിവർ സംസാരിച്ചു.