പോരുവഴി: ശാസ്താംകോട്ട റെയിൽവേ സ്റ്റേഷന്റെ അടിസ്ഥാന സൗകര്യങ്ങൾ വർദ്ധിപ്പിക്കുക, സ്ത്രീ സുരക്ഷ ഉറപ്പാക്കുക എന്നീ മുദ്രാവാക്യങ്ങൾ ഉയർത്തി ഡി.വൈ.എഫ്.ഐ കുന്നത്തൂർ ബ്ലോക്ക് കമ്മിറ്റിയുടെ നേതൃത്വത്തിൽ ശാസ്താംകോട്ട റെയിൽവേ സ്റ്റേഷനിലേക്ക് യുവജന മാർച്ച് നടത്തി.
സി.ഐ.ടി.യു സംസ്ഥാന കമ്മിറ്റി അംഗം ടി.ആർ.ശങ്കരപ്പിള്ള ഉദ്ഘാടനം ചെയ്തു. ഡി.വൈ .എഫ് .ഐ കുന്നത്തൂർ ബ്ലോക്ക് പ്രസിഡന്റ്‌ സന്തോഷ്‌ എസ്.വലിയപാടം അദ്ധ്യക്ഷനായി. സെക്രട്ടറി എസ്.സുധീർ ഷാ സ്വാഗതം പറഞ്ഞു. ശാസ്താംകോട്ട ബ്ലോക്ക് പഞ്ചായത്ത് അംഗം അൻസാർ ഷാഫി, ഡി.വൈ.എഫ്.ഐ ജില്ലാ സെക്രട്ടേറിയറ്റ് അംഗം കെ. സുധീഷ്, പാർട്ടി ഏരിയ കമ്മിറ്റി അംഗം എ.സാബു, ബ്ലോക്ക് ട്രഷറർ എം. മഹേഷ്‌, അലീന അമൽ, കലാദേവി, എബിൻ കെ.ഷിബു, മുഹമ്മദ്‌ ബാദുഷ എന്നിവർ സംസാരിച്ചു.