നഷ്ടപരിഹാരം

4.45 കോടി രൂപ

1.40ഏക്കർഭൂമി

13 ഭൂ ഉടമകൾ

പാലം 158 നീളം

11 മീറ്റർ വീതി

5 സ്പാനുകൾ

പടിഞ്ഞാറെ കല്ലട: കല്ലടയാറിന് കുറുകെ മൺട്രോത്തുരുത്ത് ,പടിഞ്ഞാറെ കല്ലട പഞ്ചായത്തുകളെ തമ്മിൽ ബന്ധിപ്പിയ്ക്കുന്ന കണ്ണങ്കാട്ടുകടവു പാലത്തിന്റെ നിർമ്മാണവുമായി ബന്ധപ്പെട്ട് ഏറ്റെടുത്ത ഭൂമിയുടെ ഉടമകൾക്കുള്ള നഷ്ട പരിഹാരത്തുക വരും ദിവസങ്ങളിൽ വിതരണം ചെയ്യുമെന്ന് അധികൃതർ അറിയിച്ചു. സംസ്ഥാന ധനകാര്യവകുപ്പിന്റെ അനുമതി ലഭിക്കുവാൻ വൈകിയതാണ് തുക വിതരണം ചെയ്യുന്നതിൽ കാലതാമസം നേരിട്ടത്.

• 4.45 കോടി രൂപയാണ് പുനരധിവാസ പാക്കേജ് ഉൾപ്പെടെ നഷ്ടപരിഹാരമായി ഭൂ ഉടമകൾക്ക് നൽകുന്നത്.
• 2024 ജനുവരിയിലാണ് നിർവഹണ ഏജൻസി ഈ തുക ഉടമകൾക്ക് നൽകുന്നതിലേക്ക് കിഫ്ബി കൊല്ലം എൽ. എ വിഭാഗം തഹസിൽദാറിന് കൈമാറിയത്.
• 158 നീളത്തിൽ 11 മീറ്റർ വീതിയിൽ 5 സ്പാനുകളിലായിട്ടാണ്പാലം നിർമ്മാണം.
• മൺട്രോത്തുരുത്ത് പടിഞ്ഞാറേ കല്ലട പഞ്ചായത്തുകളിലെ ഇരുകരകളിൽ നിന്ന് 13 ഭൂ ഉടമകളിൽ നിന്നായി 1.40ഏക്കർഭൂമിയാണ് സമാന്തര റോഡിനായി ഏറ്റെടുത്തിട്ടുള്ളത്.
• 2025 ജനുവരിയോടെ ടെണ്ടർ നടപടികൾ ആരംഭിക്കാനാണ് സാദ്ധ്യത.

ധനകാര്യവകുപ്പിന്റെ അനുമതി ലഭിച്ചതോടെ വരും ദിവസങ്ങളിൽ ഭൂ ഉടമകൾക്കുള്ള നഷ്ടപരിഹാരത്തുക അവരുടെ ബാങ്ക് അക്കൗണ്ടുകളിൽ നിക്ഷേപിക്കും. മുഴുവൻ തുകയും വിതരണം ചെയ്ത് ഉറപ്പാക്കിയ ശേഷം റവന്യൂ വകുപ്പ് ഏറ്റെടുത്ത ഭൂമി കെ.ആർ.എഫ്.ബിക്ക് കൈമാറും. തുടർന്ന് ടെണ്ടർ നടപടികൾ ആരംഭിക്കും.

ബി.ദ്വിദീപ്കുമാർ

തഹസിൽദാർ

എൽ.എ വിഭാഗം

കിഎഫ് ബി കൊല്ലം