കൊല്ലം: ജില്ലാ കോൺസ്യൂമർ കമ്മിഷനിലേക്കുള്ള റോഡ് സഞ്ചാരയോഗ്യമാക്കാത്തതിൽ പ്രതിഷേധിച്ച് കേരള ജനകീയ ഉപഭോക്തൃ സമിതി പ്രവർത്തകർ മാർച്ചും ധർണയും നടത്തി. കൊല്ലം റെയിൽവേ അസി. ഡിവിഷണൽ എൻജിനിയറുടെ ഓഫീസ് പടിക്കൽ നടന്ന ധർണ സമിതി പ്രസിഡന്റ്‌ അഡ്വ. എം.പി.സുഗതൻ ചിറ്റുമലയും കോർപറേഷന് മുന്നിൽ നടന്ന ധർണ കൊല്ലം താലൂക്ക് പ്രസിഡന്റ്‌ ആർ.ജയകുമാറും ഉദ്ഘാടനം ചെയ്തു. സമിതി ഭാരവാഹികളായ ലൈക്ക്.പി.ജോർജ്, പിന്നാട്ട് ബാബു, കല്ലുമ്പുറം വസന്തകുമാർ, ആർ.സുമിത്ര, ശ്യാം ചന്ദ്രൻ, കുണ്ടറ ഷറഫ്, ഷിഹാബ് പൈനുമൂട് എന്നിവർ സംസാരിച്ചു. അയത്തിൽ സുദർശനൻ, കുണ്ടറ ഷാജഹാൻ, മധു കവിരാജ്, എൻ.എം.രാജൻ, രാജു ഹെൻറി, സുരേഷ് ബാബു എന്നിവർ നേതൃത്വം നൽകി.