കൊ​ല്ലം: റോ​ട്ട​റി ക്ല​ബ് ഒ​ഫ് ക്വ​യി​ലോൺ കൊ​ല്ലം ബീ​ച്ചി​ലു​ള്ള റോ​ട്ട​റി ക​മ്മ്യുണി​റ്റി സെന്റ​റിൽ ഒ​രു​ക്കു​ന്ന ഫു​ഡ് കാർ​ണി​വൽ നാ​ളെ മു​തൽ ആ​രം​ഭി​ക്കും. ജി​ല്ലാ ആ​ശു​പ​ത്രി​യു​ടെ ഭാ​ഗ​മാ​യ വി​ക്ടോ​റി​യ ആ​ശു​പ​ത്രി​യിൽ അ​മ്മ​മാർ​ക്കും കു​ഞ്ഞു​ങ്ങൾ​ക്കും കൂ​ട്ടി​രി​പ്പു​കാർ​ക്കു​മാ​യി 25 ല​ക്ഷം രൂ​പ ചെ​ല​വാ​ക്കി നിർ​മ്മി​ക്കു​ന്ന ഫെ​സി​ലി​റ്റേ​ഷൻ സെന്റ​റി​ന്റെ നിർ​മ്മാ​ണ പ്ര​വർ​ത്ത​ന​ങ്ങ​ളു​ടെ ധ​ന​ശേ​ഖ​ര​ണാർ​ത്ഥ​മാ​ണ് ഫു​ഡ് കാർ​ണി​വൽ സം​ഘ​ടി​പ്പി​ക്കു​ന്ന​ത്.

കേ​ര​ള​ത്തി​ന​ക​ത്തും പു​റ​ത്തും നി​ന്നു​മു​ള്ള സം​രം​ഭ​ക​രു​ടെ ഇ​രു​പ​തോ​ളം ഭ​ക്ഷ്യ​വി​ഭ​വ സ്റ്റോ​ളു​കൾ ഫു​ഡ് കാർ​ണി​വ​ലി​ന്റെ ഭാ​ഗ​മാ​കും. ത​നി നാ​ടൻ വി​ഭ​വ​ങ്ങൾ മു​തൽ അ​റ​ബി​ക്, ചൈ​നീ​സ്, ജാ​പ്പ​നീ​സ് ട​പ്പൻ​യാ​ക്കി വ​രെ വൈ​വി​ദ്ധ്യ​മാർ​ന്ന വി​ഭ​വ​ങ്ങ​ളാ​ണ് ഒ​രു​ക്കു​ന്ന​ത്. ഫു​ഡ് കാർ​ണി​വ​ലി​ന്റെ ഭാ​ഗ​മാ​യി എ​ല്ലാ ദി​വ​സ​വും പ്ര​ശ​സ്​ത ക​ലാ​കാ​ര​ന്മാ​രെ അ​ണി​നി​ര​ത്തിയു​ള്ള സ്റ്റേ​ജ്‌​ഷോ​യും ഉ​ണ്ടാ​കും.

ഷെ​ഫ് സു​രേ​ഷ്​ പി​ള്ള​യും 100 പാ​ച​ക ക​ലാ​കാ​രി​മാ​രും ഒ​ന്നി​ക്കു​ന്ന ന​ള പാ​ച​ക​റാ​ണി മേ​ള​യും ഫു​ഡ് കാർ​ണി​വ​ലി​ന്റെ ഭാ​ഗ​മാ​കും. കു​ടും​ബ​ശ്രീ പാ​ച​ക​വി​ദ​ഗ്ദ്​ധർ മു​തൽ ലോ​ക​പ്ര​ശ​സ്​ത പാ​ച​ക ക​ലാ​കാ​ര​ന്മാർ വ​രെ അ​വ​രു​ടെ ത​ന​ത് വി​ഭ​വ​ങ്ങൾ മേ​ള​യിൽ അ​വ​ത​രി​പ്പി​ക്കും. മ​ജീ​ഷ്യൻ പ്ര​മോ​ദ് കേ​ര​ള​യു​ടെ മാ​ജി​ക്‌​ഷോ മു​തൽ ച​ല​ച്ചി​ത്ര പി​ന്ന​ണി ഗാ​യ​ക​രാ​യ മ​ത്താ​യി സു​നിൽ, മേ​ദാ മെ​ഹർ, തു​ട​ങ്ങി​യ​വർ പ​ങ്കെ​ടു​ക്കു​ന്ന ഗാ​ന​മേ​ള വ​രെ ഒ​രു​ക്കി​യി​ട്ടു​ണ്ട്.

എ​ല്ലാ​ദി​വ​സ​വും വൈ​കി​ട്ട് 5 മു​തൽ രാ​ത്രി 11 വ​രെ​യാ​ണ് പ്ര​ദർ​ശ​നം. 20ന് വൈ​കി​ട്ട് 5ന് എം. മു​കേ​ഷ് എം.എൽ.എ​യും മേ​യർ പ്ര​സ​ന്ന ഏ​ണ​സ്റ്റും ചേർ​ന്ന് കാർ​ണി​വൽ ഉ​ദ്​ഘാ​ട​നം ചെ​യ്യും. പത്രസ​മ്മേ​ള​ന​ത്തിൽ റോ​ട്ട​റി ക്ല​ബ് ഓ​ഫ് ക്വ​യി​ലോൺ പ്ര​സി​ഡന്റ് നാ​രാ​യൺ കു​മാർ.എം, സെ​ക്ര​ട്ട​റി സ​ക്ക​റി​യ.കെ സാ​മു​വൽ, വി.ജ്യോ​തി, അ​നു.എ​സ് പി​ള്ള, ടൈ​റ്റ​സ്.എ​സ് കു​മാർ എ​ന്നി​വർ പ​ങ്കെ​ടു​ത്തു.