കുന്നത്തൂർ: പോരുവഴി മാർ ബസേലിയോസ് ഗ്രിഗോറിയോസ് ഓർത്തഡോക്സ് പള്ളിയിൽ പെരുന്നാളിന് ഇന്ന് തുടക്കമാകും. രാവിലെ 6.30ന് പ്രഭാത നമസ്കാരം. മൂന്നിന്മേൽ കുർബാന. കൊല്ലം ഭദ്രാസനാധിപൻ ഡോ.ജോസഫ് മാർ ദിവന്നാസിയോസ് കാർമ്മികത്വം വഹിക്കും. 11ന് മെഡിക്കൽ ക്യാമ്പ്. പെരുന്നാളിനോട് അനുബന്ധിച്ച് ചക്കുവള്ളി കുരിശ്ശടിയിൽ പാഥേയം (വിശപ്പിന് ആഹാരം) എന്ന പദ്ധതി ഡോ.ജോസഫ് മാർ ദിവന്നാസിയോസ് ഉദ്ഘാടനം ചെയ്യും. 23 മുതൽ 31 വരെ എല്ലാദിവസവും രാവിലെ 6.30ന് പ്രഭാത നമസ്കാരത്തെ തുടർന്ന് കുർബ്ബാന. 27ന് തേവലക്കര ഗ്രൂപ്പ് സമ്മേളനം ഡോ.ടോണി വർഗീസ് ഉദ്ഘാടനം ചെയ്യും. വൈകിട്ട് 6ന് സന്ധ്യാനമസ്കാരം,തുടർന്ന് നടക്കുന്ന കൺവെൻഷൻ ഫാ.ലുക്ക് ബാബു ഉദ്ഘാടനം ചെയ്യും. 28ന് രാവിലെ 9.30ന് നടക്കുന്ന മെഡിക്കൽ ക്യാമ്പ് അൽമായ ട്രസ്റ്റി റോണി വർഗ്ഗീസ് എബ്രഹാം ഉദ്ഘാടനം ചെയ്യും. 29ന് മൂന്നിന്മേൽ കുർബ്ബാന അങ്കമാലി ഭദ്രാസനാധിപൻ യുഹാനോൻ മാർ പോളിക്കാർപ്പോസ് കാർമികത്വം വഹിക്കും.31ന് 5.45 ന് സന്ധ്യാനമസ്ക്കാരം, കോട്ടയം ഭദ്രാസനാധിപൻ ഡോ.യൂഹാനോൻ മാർ ദീയസ്കോറോസിന്റെ കാർമികത്വം വഹിക്കും. തുടർന്ന് റാസ പള്ളിയിൽ നിന്നും ആരംഭിച്ച് ചക്കുവള്ളി കുരിശ്ശടി,പടിഞ്ഞാറെ കുരിശ്ശടി വഴി തിരികെ പള്ളിയിൽ എത്തിച്ചേരും . ജനുവരി 1ന് മൂന്നിന്മേൽ കുർബ്ബാന.കോട്ടയം ഭദ്രാസനാധിപൻ ഡോ.യൂഹാനോൻ മാർ ദീയസ്കോറോസ് കാർമ്മികത്വം വഹിക്കും.മെരിറ്റ് അവാർഡ്,ചാരിറ്റി വിതരണം,പ്രദക്ഷിണം, ശ്ലൈഹീക വാഴ്വ്വ്,ആശീർവാദം, കൊടിയിറക്ക്,സ്നേഹ വിരുന്ന് എന്നിവയോടെ പെരുന്നാൾ സമാപിക്കുമെന്നും ഒരുക്കങ്ങൾ പൂർത്തിയായതായും വികാരി ഫാ.സോളു കോശി രാജു,ഇടവക ട്രസ്റ്റി തോമസ് കെ.ഡാനിയൽ,ഇടവക സെക്രട്ടറി ജോൺസൻ ടി.പാപ്പച്ചൻ,പബ്ലിസിറ്റി കമ്മിറ്റി അംഗങ്ങളായ രാജൻ ശാമുവേൽ,റോയി പാപ്പച്ചൻ,ബിജു ശാമുവേൽ എന്നിവർ അറിയിച്ചു.