കൊല്ലം: പള്ളാത്തുരുത്തി ബോട്ട് ക്ലബ് (പി.ബി.സി) 1971ലാണ് കളത്തി​ലി​റങ്ങി​യത്. ആലപ്പുഴ നഗരസഭയി​ലെ മൂന്ന് വാർഡുകളി​ലെയും പള്ളാത്തുരുത്തി പാലം മുതലുള്ളവരുടെയും കൺ​കണ്ട ടീമാണ് ഇപ്പോൾ പി.ബി.സി.

1988 ൽ വെള്ളംകുളങ്ങര വള്ളത്തിനായി തുഴയെറിഞ്ഞാണ് കന്നിവിജയം. 1998ൽ ചമ്പക്കുളം ചുണ്ടനിൽ വിജയിച്ചു. മത്സരങ്ങളിൽ പങ്കെടുത്തെങ്കിലും വിജയിക്കാൻ സാധിച്ചില്ല. 20 വർഷത്തി​ന് ശേഷം 2018 ൽ പായിപ്പാടി​നായി തുഴഞ്ഞ് വീണ്ടും വിജയകരീടം. പിന്നീട് ഇന്നലെ കഴിഞ്ഞ സി.ബി.എൽ വരെ തുടർച്ചയായ വിജയമാണ് പള്ളാത്തുരുത്തി സ്വന്തമാക്കിയത്. 2019 ലെ പ്രഥമ ചാമ്പ്യൻസ് ബോട്ട് ലീഗ് ട്രോഫിയും നേടി പി​.ബി​.സി​ ചരിത്രത്തിൽ ഇടം നേടി. നാടുഭാഗം ചുണ്ടനി​ലാണ് അന്ന് തുഴഞ്ഞത്. പിന്നീട് 2022 ൽ മഹാദേവികാട് കാട്ടിൽതെക്കതിൽ ചുണ്ടനും കഴിഞ്ഞവർഷം വീയപുരം ചുണ്ടനും തുഴഞ്ഞു. വിനോദ് പവിത്രൻ മാതിരം പള്ളിയാണ് പ്രധാന പരി​ശീലകൻ. വരുൺ ശർമ്മ ഒന്നാം തുഴക്കാരനും പ്രസന്നൻ കുമരകം ഒന്നാം അമരക്കാരനുമാണ്. ഇന്നലെ നടന്ന മത്സരത്തിൽ മനോജ് പത്തു (തെങ്ങുങ്കൽ) ലീഡിംഗ് ക്യാപ്ടനും അലൻ കോശി, എയ്ഡൻ കോശി (മൂന്നു തൈക്കൽ) എന്നിവർ ക്യാപ്ടൻമാരുമായി​. വി. ജയപ്രസാദ് പ്രസിഡന്റും വിനോദ് വൈസ് പ്രസിഡന്റും സുനീർ സെക്രട്ടറിയും എൻ.ശശിധരൻ ചീഫ് ഓഡിറ്ററുമായ സംഘമാണ് ടീമിന്റെ ബലമായത്.