കരുനാഗപ്പള്ളി: ദുർ​മ​ന്ത്ര​വാ​ദ​വും വ്യാ​ജ ചി​കി​ത്സ​യും ന​ട​ത്തി പ​ണം ത​ട്ടി​യെടുത്തയാളെ പൊലീ​സ് അറസ്റ്റ് ചെയ്തു. കാ​യം​കു​ളം പെ​രു​മ​ണ പു​തു​വൽ വീ​ട്ടിൽ കു​ഞ്ഞു​മോനാണ് ക​രു​നാ​ഗ​പ്പ​ള്ളി പൊ​ലീ​സിന്റെ പി​ടി​യി​ലാ​യ​ത്. കു​ഞ്ഞു​മോൻ താ​മ​സി​ച്ചുവ​ന്ന വ​ള്ളി​ക്കാ​വി​ലു​ള്ള വാ​ട​ക വീ​ട്ടിൽ​വ​ച്ചാ​ണ് ദുർ​മ​ന്ത്ര​വാ​ദ​വും ആ​ഭി​ചാ​ര​ക്രി​യ​ക​ളും വ്യാ​ജ ചി​കി​ത്സ​യും ന​ട​ത്തിവ​ന്ന​ത്. പൊ​ലീ​സി​ന് ല​ഭി​ച്ച പ​രാ​തി​യു​ടെ അ​ടി​സ്ഥാ​ന​ത്തിൽ ക​രു​നാ​ഗ​പ്പ​ള്ളി പൊ​ലീ​സ് ര​ജി​സ്റ്റർ ചെ​യ്​ത് ന​ട​ത്തി​യ അ​ന്വേ​ഷ​ണ​ത്തിലാണ് പ്ര​തി​യെ അ​റ​സ്റ്റ് ചെയ്തത്. ഇ​യാ​ക്കെ​തി​രെ നി​ര​വ​ധി കേ​സു​കൾ നി​ല​വി​ലുണ്ട്. ക​രു​നാ​ഗ​പ്പ​ള്ളി ഇൻ​സ്‌​പെ​ക്ടർ ബി​ജു​വിന്റെ നേ​തൃ​ത്വ​ത്തിൽ എ​സ്.ഐ മാ​രാ​യ ഷെ​മീർ, ക​ണ്ണൻ, ഷാ​ജി​മോൻ, റ​ഹീം, എ​സ്.സി.പി.ഒ ഹാ​ഷിം, സി.പി.ഒ കൃ​ഷ്​ണ​കു​മാർ എ​ന്നി​വ​ര​ട​ങ്ങി​യ സം​ഘ​മാ​ണ് പ്ര​തി​യെ പി​ടി​കൂ​ടി​യ​ത്.