കുന്നത്തൂർ: ശൂരനാട് തെക്ക്, മൈനാഗപ്പള്ളി പഞ്ചായത്തുകളുടെ അതിർത്തി പങ്കിടുന്ന പ്ലാമൂട് ചന്തയിൽ സ്ഥാപി​ച്ച ഹൈമാസ്റ്റ് ലൈറ്റ് തെളി​ക്കാൻ അധി​കൃതർ നടപടി​ സ്വീകരി​ക്കുന്നി​ല്ലെന്ന് പരാതി​.

2015ൽ കൊടി​ക്കുന്നിൽ സുരേഷ് എം.പിയുടെ വികസന ഫണ്ടിൽ നിന്ന് അനുവദിച്ച തുക ഉപയോഗിച്ചാണ് ഹൈമാസ്റ്റ് ലൈറ്റ് സ്ഥാപിച്ചത്. എന്നാൽ ഒരു വർഷം മാത്രമാണ് ലൈറ്റ് പ്രവർത്തിച്ചത്. പ്രദേശത്തെ വിവിധ സംഘടനകളുടെയും വ്യാപാരികളുടെയും പ്രതിഷേധത്തെ തുടർന്ന് കഴി​ഞ്ഞ മാർച്ചി​ൽ അറ്റകുറ്റപ്പണി നടത്തി വീണ്ടും പ്രവർത്തിപ്പിച്ചു. എന്നാൽ രണ്ടുമാസം കഴിഞ്ഞപ്പോൾ വീണ്ടും ലൈറ്റ് കണ്ണടച്ചു. നാട്ടുകാരും സംഘടനകളും നിരവധി തവണ അധികൃതരുമായി സംസാരിച്ചിട്ടും ഫലമുണ്ടായി​ല്ല. എം.പി ഫണ്ടി​ൽ നി​ന്ന് സ്ഥാപിച്ച ലൈറ്റ് ആയതിനാൽ പ്രവർത്തിപ്പിക്കില്ലെന്ന തീരുമാനത്തിലാണ് അധി​കൃതരെന്ന് യൂത്ത് കോൺഗ്രസ് ആരോപിക്കുന്നു. നടപടി​ ഉണ്ടായി​ല്ലെങ്കി​ൽ സമരത്തി​ലേക്ക് കടക്കുമെന്ന് യൂത്ത് കോൺഗ്രസ് മണ്ഡലം വൈസ് പ്രസിഡന്റ് ഐക്കര അഖിൽ നാഥ് പറഞ്ഞു.