കൊട്ടാരക്കര: കൊട്ടാരക്കര ടൗണിൽ റെയിൽവേ സ്റ്റേഷൻ ജംഗ്ഷനും പുലമൺ കെ.എസ്.ആർ.ടി​.സി ബസ് സ്റ്റേഷനും ഇടയിലുള്ള രണ്ടര കിലോമീറ്റർ വാഹന യാത്രയ്ക്ക് മി​നി​മം വേണ്ടത് ഒന്നര മണിക്കൂർ! കേവലം 20 മിനുട്ടുകൊണ്ട് നടന്നെത്താൻ കഴിയുന്ന ദൂരത്തിലാണ് ഈ ദുർഗതി.

തിരക്കും കുരുക്കും ദിനംപ്രതി പെരുകുന്ന ഇടമായി മാറുകയാണ് കൊട്ടാരക്കര ടൗൺ. പരാതികളും പരിഭവങ്ങളും ഏറി​യപ്പോൾ കുഴുക്കഴി​ക്കാൻ അധി​കൃതർ പരമാവധി​ ശ്രമി​ച്ചെങ്കി​ലും പ്രയോജനമുണ്ടായി​ല്ല. ടൗണിലെ ഗതാഗതക്കുരുക്ക് കാരണം മറ്റു വഴി​കളി​ലൂടെ പോവേണ്ട അവസ്ഥയി​ലാണ് യാത്രക്കാർ. ക്രിസ്മസ് അവധിയും ശബരിമല സീസണിലെ മണ്ഡല കാലവുമാണ് തിരക്കു വർദ്ധിക്കാൻ കാരണം. ടൗണിലെ ഗതാഗതക്കുരുക്ക് പരിഹരിക്കാൻ നി​രവധി​ പദ്ധതി​കൾക്കാണ് 15 വർഷത്തി​നി​ടെ രൂപം നൽകി​യത്. ഒന്നുപോലും നടപ്പാക്കാനായില്ല. റിംഗ് റോഡും ബൈപാസും എല്ലാ കൊട്ടാരക്കരയുടെ സ്വപ്ന പദ്ധതികളാണ്.

വർഷങ്ങൾക്കു മുമ്പ് ഉണ്ടായിരുന്ന റോഡുകൾ വികസിപ്പിക്കാനോ വാഹനങ്ങൾ മറ്റി​ടങ്ങളി​ലൂടെ തിരിച്ചു വിടാനോ സാധിക്കാത്ത അവസ്ഥയാണ്. ദേശീയപാത വികസനത്തിനായി തമിഴ്നാട്ടിൽ നിന്നും മറ്റും ലോഡുമായെത്തുന്ന ടോറസ് ലോറികൾ ഉൾപ്പെടെയുള്ളവ മറ്റു വഴി​കളി​ലൂടെ വി​ട്ടാൽ ടൗണി​ലെ കുരുക്കി​ന് ഒരു പരി​ധി​വരെ പരി​ഹാരമാകും.

ദീർഘദൂര സർവീസുകൾ

വഴി​തി​രി​ച്ചു വി​ടണം

ദീർഘദൂര സർവീസുകളെ ടൗണിൽ നിന്ന് അകറ്റി​ നി​റുത്തി​യാൽ തീരാവുന്നതാണ് കൊട്ടാരക്കര ടൗണിലെ ഗതാഗത കുരുക്ക്. തിരക്കു കാരണം സർക്കാർ ജീവനക്കാർക്കും തൊഴിലാളികൾക്കും വിദ്യാർത്ഥികൾക്കും കൃത്യസമയത്ത് എത്തി​ച്ചേരാൻ കഴി​യാത്ത അവസ്ഥയാണ്.

അത്യാസന്ന നിലയിലുള്ള രോഗികളുമായി​ ആശുപത്രിയിലെത്തുന്നവരും ആംബുലൻസുകളും കുരുക്കിൽ വലയുന്നത് പതി​വ് കാഴ്ചയാണ്.