കൊല്ലം: വൃദ്ധ ദമ്പതി​കളെ കബളി​പ്പി​ച്ച് സ്വർണാഭരണങ്ങളും പണവും തട്ടിയെടുത്ത രണ്ടുപേർ പി​ടി​യി​ൽ.
തഴവ തൊടിയൂർ പി.വി നോർത്ത് അയിക്കമത്ത് വീട്ടിൽ നിന്നു കരുനാഗപ്പള്ളി ആലംകടവ് മരുതെക്ക് ഒട്ടത്തിമുക്കത്ത് വാടകയ്ക്ക് താമസിക്കുന്ന ബിൻസി (43), കണ്ണൂർ തലശ്ശേരി കൈവട്ടം കെ.പി​ ഹൗസിൽ (ഷീല നിവാസ്) മകൻ അശിൻ കുമാർ (32) എന്നിവരാണ് പി​ടി​യി​ലായത്.

പെരിനാട് വെള്ളിമൺ സ്വദേശിയായ പരാതിക്കാരിയുടെ മകനുമായി മാട്രിമോണിയൽ വഴി പരിചയപ്പെട്ട ഒന്നാം പ്രതി ബിൻസിയും ബിൻസിയുടെ സഹോദരൻ എന്ന് പരിചയപ്പെടുത്തിയ അശിൻ കുമാറും പരാതിക്കാരിയുടെ ഭർത്താവിന്റെ പരിചരണത്തിന് എന്ന വ്യാജേന വീട്ടി​ലെത്തി​. ബിൻസിയും അശിനും ചേർന്ന് ഭർത്താവിനെ ചികിത്സയ്ക്കായി എറണാകുളം അമൃത ആശുപത്രിയിലെത്തി​ച്ചു. ചികിത്സ ചെലവി​നായി മാലയും കമ്മലും അടങ്ങിയ ആറ് പവൻ വാങ്ങി​. പകരം വരവ് മാല നൽകി​. പി​ന്നീട് ആശുപത്രിയിൽ നിന്നു പരാതിക്കാരിയെ അശിൻ ചെമ്മക്കാടുള്ള ബാങ്കിലെത്തി​ച്ച് അവിടെ പണയത്തി​ലി​രുന്ന ഏഴരയും അഞ്ചും പവൻ ആഭരണങ്ങൾ എടുപ്പിച്ചു. അതും വിറ്റു. ഭർത്താവിന്റെയും എ.ടി​.എം കാർഡ് കൈക്കലാക്കിയും ഗൂഗിൾ പേ വഴിയും 5 ലക്ഷം രൂപ തട്ടിയെടുത്തു. മൊത്തം പതിനെട്ടര പവനും 5 ലക്ഷം രൂപയും തട്ടിയെടുത്തെന്നാണ് കേസ്.
കുണ്ടറ പൊലീസ് സ്റ്റേഷൻ എസ്.എച്ച്.ഒ അനിൽകുമാറിന്റെ നേതൃത്വത്തിൽ എസ്.ഐമാരായ പ്രദീപ്‌, അംബ്രിഷ്, അനിൽകുമാർ, എ.എസ്.ഐ മധു, സീനി​യർ സി​വി​ൽ പൊലീസ് ഓഫീസർമാരായ ദീപക്, നന്ദകുമാർ എന്നിവരടങ്ങുന്ന സംഘമാണ്. പ്രതികളെ അറസ്റ്റ് ചെയ്തത്. കോടതിയിൽ ഹാജരാക്കി റിമാൻഡ് ചെയ്തു. ബിൻസിയും അശിനും സഹോദരങ്ങൾ അല്ലെന്ന് പൊലീസ് പറഞ്ഞു. കണ്ണൂർ സ്വദേശിയായ അശ്വി​ൻകുമാർ കരുനാഗപ്പള്ളിയിൽ സ്വകാര്യ സ്ഥാപനത്തിൽ ജോലി ചെയ്യുന്നതി​നി​ടെ പരി​ചയപ്പെട്ട ബി​ൻസി​ക്കൊപ്പം താമസി​ക്കുകയായി​രുന്നു.