കൊല്ലം: കേരളകൗമുദിയുടെയും കൊല്ലം ശങ്കേഴ്സ് ആശുപത്രിയുടെയും സംയുക്താഭിമുഖ്യത്തിൽ ശങ്കേഴ്സിൽ ന്യൂറോളജി, ന്യൂറോ സർജറി, ന്യൂറോ റീഹാബിലിറ്റേഷൻ മെഗാ മെഡിക്കൽ ക്യാമ്പ് ജനുവരി 6 മുതൽ 11 വരെ നടക്കും.

ശങ്കേഴ്സിലെ ന്യൂറോളജിസ്റ്റ് ഡോ. കെ.എൻ.ശ്യാംപ്രസാദ്, ന്യൂറോ സർജൻ ഡോ. ജയകുമാരൻ, ന്യൂറോ റീഹാബിലിറ്റേഷൻ സ്പെഷ്യലിസ്റ്റ് ഡോ. രൂരു ശാന്ത എന്നിവരുടെ നേൃത്വത്തിൽ രാവിലെ 9.30 മുതൽ ഉച്ചയ്ക്ക് 1 വരെയാണ് ക്യാമ്പ്.

സ്ട്രോക്ക് സംഭവിക്കുന്നവരുടെ എണ്ണം വർദ്ധിക്കുന്ന സാഹചര്യത്തിലാണ് പ്രത്യേക ന്യൂറോ ക്യാമ്പ് സംഘടിപ്പിക്കുന്നത്. രാജ്യത്ത് ഒരു വർഷം 15 ലക്ഷം പേർക്ക് സ്ട്രോക്ക് ഉണ്ടാകുന്നുവെന്നാണ് കണക്ക്. കൃത്യസമയത്ത് രോഗലക്ഷണങ്ങൾ തിരിച്ചറിയാത്തതും ചികിത്സിക്കാത്തതുമാണ് മരണനിരക്ക് ഉയരാൻ കാരണം. സ്ട്രോക്കിന്റെ ചികിത്സയുമായി ബന്ധപ്പെട്ട് പുതിയ ചികിത്സാരീതികൾക്ക് പുറമേ ഗവേഷണങ്ങളും നടക്കുന്നുണ്ട്. ഇതിന്റെ സാദ്ധ്യതകൾ പ്രയോജനപ്പെടുത്തുകയെന്ന ലക്ഷ്യത്തോടെയാണ് ന്യൂറോ മെഗാ മെഡിക്കൽ ക്യാമ്പ് സംഘടിപ്പിക്കുന്നത്. ശങ്കേഴ്സിൽ 24 മണിക്കൂറും ന്യൂറോളജിസ്റ്റിന്റെ സേവനം ലഭ്യമാണ്. ഇതിന് പുറമേ പ്രത്യേക സ്ട്രോക്ക് വാർഡുമുണ്ട്.

ചികിത്സാ പദ്ധതികളുടെ ആനുകൂല്യം

പ്രയോജനപ്പെടുത്താം

ക്യാമ്പിൽ പങ്കെടുക്കുന്നവർക്ക് തുടർ ചികിത്സയ്ക്കും ശസ്ത്രക്രിയകൾക്കും പി.എം.ജെ.വൈ, കാരുണ്യ, മെഡിസെപ്പ് പദ്ധതികൾ പ്രകാരമുള്ള ആനുകൂല്യങ്ങൾ ലഭിക്കും. ഇ.എസ്.ഐ, വി.എസ്.എസ്.സി, കെ.എം.എം.എൽ, ഇന്ത്യൻ റെയിൽവേ എന്നീ സ്ഥാപനങ്ങളുടെ മെഡിക്കൽ ഇൻഷ്വറൻസ് ഉള്ളവർക്കും ക്യാമ്പ് പ്രയോജനപ്പെടുത്താം. ഇതിന് പുറമേ 26 ഓളം കമ്പനികളുടെ ഇൻഷ്വറൻസ് സൗകര്യവും ലഭ്യമാണ്.

ഇളവുകൾ

 കൺസൾട്ടേഷൻ ഫീസ് സൗജന്യം

 ഇ.സി.ജി, ഇ.ഇ.ജി, എൻ.സി.എസ് എന്നിവയ്ക്ക് 30 ശതമാനം ഇളവ്
 സി.ടി സ്കാനിന് 20 ശതമാനം ഇളവ്

വിശദവിവരങ്ങൾക്കും രജിസ്ട്രേഷനും: 0474 2756000