തൃപ്രയാർ: കേരള ജേർണലിസ്റ്റ് യൂണിയൻ ജില്ലാ സമ്മേളനം 26, 27 തിയ്യതികളിൽ തൃപ്രയാറിൽ. 26ന് സാംസ്‌കാരിക സെമിനാറും 27ന് പ്രതിനിധി സമ്മേളനവും നടക്കും. സംഘാടകസമിതി രൂപീകരിച്ചു. യോഗം ദേശീയ കൗൺസിൽ അംഗം ജോസ് താടിക്കാരൻ ഉദ്ഘാടനം ചെയ്തു. ജില്ലാ പ്രസിഡന്റ് അജീഷ് കർക്കിടകത്ത് അധ്യക്ഷനായി. ജോസ് വാവേലി, ബിജോയ് പെരുമാട്ടിൽ, എൻ.പി.ഉദയകുമാർ, സി.എസ്.സുനിൽകുമാർ, പി.എം.ഹുസൈൻ, ഇ.സി.അനിൽകുമാർ എന്നിവർ സംസാരിച്ചു. ഭാരവാഹികളായി അജീഷ് കർക്കിടകത്ത് (ചെയർമാൻ), ജോസ് താടിക്കാരൻ (ജനറൽ കൺവീനർ), കെ.ആർ.മധു (ട്രഷറർ) എന്നിവരെ തിരഞ്ഞെടുത്തു.