ചേർപ്പ് : പൂരം, ആന എഴുന്നള്ളിപ്പ് പ്രതിസന്ധി നീങ്ങാൻ പ്രതിഷേധ യാത്രയും ചിത്രരചനയും, പൂരം ആന എഴുന്നള്ളിപ്പും നടത്തി. പിടിക്കപ്പറമ്പ് മഹാദേവ ക്ഷേത്രത്തിൽ നിന്ന് നൂറുകണക്കിന് ഭക്തരും പൂരപ്രേമികളും പങ്കെടുത്ത പ്രതിഷേധ യാത്ര വല്ലച്ചിറ മനവഴി ചാത്തക്കുടം ക്ഷേത്രത്തിന്റെ പടിഞ്ഞറെ നടയിൽ എത്തിച്ചേർന്നു. തുടർന്ന് ചാത്തക്കുടം ക്ഷേത്രനടയിൽ പൂരം ചിത്രപ്രദർശനം നടന്നു. നിരവധി കലാകാരൻമാർ പൂരം ആന എഴുന്നള്ളിപ്പ് ചിത്രങ്ങൾ തത്സമയം വരച്ച് പ്രതിഷേധിച്ചു. 24 പൂരം പങ്കാളി ക്ഷേത്ര പ്രതിനിധികൾ പങ്കെടുത്തു. കെ. വാസപ്പൻ ചാത്തക്കുടം, മനോജ് കടവിൽ, എം. രജേന്ദ്രൻ ആറാട്ടുപുഴ, ശിവദാസൻ കടലശ്ശേരി, സെബി പിടിയത്ത്, സിജോ എടപ്പിള്ളി, മുരളീധരൻ ചാത്തനാത്ത്, പി. ചന്ദ്രൻ, കണ്ണൻ പോഴത്ത്, അരവിന്ദാക്ഷൻ കടവിൽ, ബൈജു താഴെക്കാട്ട്, സന്തോഷ് ജോർജ് തുടങ്ങിയവർ പ്രസംഗിച്ചു. ചാത്തക്കുടം ധർമ്മശാസ്താ ക്ഷേത്രം, പിടിക്കപ്പറമ്പ് മഹാദേവ ക്ഷേത്രം, കടല്ലാശ്ശേരി പിഷാരിക്കൽ ക്ഷേത്രം, വല്ലച്ചിറ ഭഗവാൻ-ഭഗവതി ക്ഷേത്രം, എന്നിവയുടെ നേതൃത്വത്തിലായിരുന്നു പ്രതിഷേധ ജാഥ നടന്നത്.