വല്ലച്ചിറ: കുടുംബക്ഷേമ കേന്ദ്രവും പഞ്ചായത്തും നടത്തിയ ഹെൽത്തി കേരള പരിശോധനയിൽ 15000 രൂപ പിഴ ഈടാക്കി. പ്ലാസ്റ്റിക് മാലിന്യം കത്തിക്കൽ, അലക്ഷ്യമായി വലിച്ചെറിയൽ, വൃത്തിഹീനമായി ഭക്ഷണസാധനങ്ങൾ സൂക്ഷിക്കൽ തുടങ്ങിയവക്കാണ് വ്യാപാര സ്ഥാപനങ്ങളിൽ നിന്ന് പിഴ ഈടാക്കിയത്. വല്ലച്ചിറ പകിരി പാലം മേനോൻസ്മാർട്ട്, ഹാപ്പി കൂൾ, സായ് കൂൾ ഇൻ വ്യാപാര സ്ഥാപനങ്ങൾക്കാണ് പിഴ. കുടുംബക്ഷേമ കേന്ദ്രം ഒാഫീസർ ഡോ:എം.ടി.ദിവ്യ നേതൃത്വം നൽകി.പി.എസ്. അരുൺ, എ.ആർ സുനിൽകുമാർ, എ.എം. രജേഷ് കുമാർ, വി.എ. അജിത്ത് , എ.എസ് രമ്യ എന്നിവർ പങ്കെടുത്തു.