എടമുട്ടം: കഴിമ്പ്രം വാഴപ്പുള്ളി രാജരാജേശ്വരി ക്ഷേത്രത്തിൽ കളമെഴുത്തുപാട്ട് നടത്തി. വള്ളിവട്ടം സുരേന്ദ്രന്റെ നേതൃത്വത്തിലുള്ള അഞ്ചു കലാകാരന്മാർ നേതൃത്വം നൽകി. രാവിലെ 10ന് സൂര്യനാട്ട് കൈമൽ കളം, രണ്ടിന് ആവണപ്പിള്ളി മുത്തപ്പന് കളം, വൈകിട്ട് ഗുരുത്തപ്പന് കളം രാത്രി 10ന് ദേവിക്ക് കളം, രാത്രി 11ന് ഗുരുതർപ്പണം, അന്നദാനം എന്നിവ നടന്നു. ക്ഷേത്രം ഭാരവാഹികളായ വി.യു. ഉണ്ണിക്കൃഷ്ണൻ, വി.ആർ. രാധാകൃഷ്ണൻ, വി.കെ. ഹരിദാസൻ, വി.സി. ഷാജി, വി. ജയ് സുരേഷ്, അനിരുദ്ധൻ എന്നിവർ നേതൃത്വം നൽകി.