ഗുരുവായൂർ: ഗുരുവായൂർ ക്ഷേത്രത്തിൽ വഴിപാട് വന്ന വിളക്കുകളുടെ ലേലം തുടങ്ങി. ക്ഷേത്രത്തിൽ വഴിപാടായി ലഭിച്ച ഓട്, പിച്ചള വിളക്കുകളും മറ്റ് സാമഗ്രികളുമാണ് ലേലം ചെയ്ത് ഭക്തർക്ക് നൽകുന്നത്. കിഴക്കേ നടയിൽ പ്രത്യേകം തയ്യാറാക്കിയ പന്തലിൽ ദേവസ്വം ചെയർമാൻ ഡോ. വി.കെ.വിജയൻ ഭദ്രദീപം തെളിച്ച് ഉദ്ഘാടനം ചെയ്തു. ദിവസവും രാവിലെ ഏഴ് മുതൽ രാത്രി 10 വരെ തുടർച്ചയായി ലേലം നടക്കും. ദേവസ്വം ഭരണസമിതി അംഗങ്ങളായ മല്ലിശേരി പരമേശ്വരൻ നമ്പൂതിരിപ്പാട്, സി.മനോജ്, വി.ജി.രവീന്ദ്രൻ, മനോജ് ബി.നായർ, അഡ്മിനിസ്‌ടേറ്റർ കെ.പി.വിനയൻ, ഡെപ്യൂട്ടി അഡ്മിനിസ്‌ടേറ്റർ കെ.എസ്.മായാദേവി, മാനേജർ വി.സി.സുനിൽകുമാർ എന്നിവർ സന്നിഹിതരായി.